મણિપુર વંશીય હુમલાની આગમાં હોમાયું ત્યારે હવે રાજકીય ઘમાસાણ પણ તેજ બન્યું, રાહુલ ગાંધીએ બે દિવસના મણિપુરના પ્રવાસે
આખરે BJP હાઇકમાન્ડે આદેશ આપ્યા હોવાના સંકેત
મણિપુર લગભગ બે મહિનાથી વંશીય હિંસાની આગમાં સળગી રહ્યું છે. શાંતિ પુનઃસ્થાપિત કરવાના તમામ પ્રયાસો છતાં સ્થિતિ સુધરતી જણાતી નથી. દરમિયાન એવો દાવો કરવામાં આવી રહ્યો છે કે મણિપુરના મુખ્યમંત્રી એન. બિરેન સિંહ શુક્રવારે (30 જૂન) રાજીનામું આપી શકે છે. તે જ સમયે, રાજીનામાના સમાચાર વચ્ચે, એન બિરેન સિંહ મણિપુરના રાજ્યપાલ અનુસુયા ઉઇકેને મળી શકે છે.
મળતી માહિતી મુજબ, રાજીનામાના સમાચાર બાદ સીએમ એન બિરેન સિંહના ઘરની બહાર મોટી સંખ્યામાં તેમના સમર્થકો એકઠા થવા લાગ્યા છે. મણિપુરના સીએમ એન બિરેન સિંહ શુક્રવારે બપોરે 3 વાગ્યે રાજ્યપાલને મળી શકે છે. મણિપુરમાં 3 મેના રોજ શરૂ થયેલી જાતિય હિંસા અટકવાનું નામ નથી લઈ રહી.
રાજીનામાના કારણે વિપક્ષનું દબાણ વધી રહ્યું હતું
કોંગ્રેસ સહિત તમામ વિપક્ષી દળોએ મણિપુરમાં હિંસાને કાબૂમાં ન લેવા માટે સીએમ એન બિરેન સિંહને જવાબદાર ઠેરવ્યા હતા. ભાજપની આગેવાની હેઠળની કેન્દ્ર સરકાર પર મણિપુરના સીએમનું રાજીનામું માંગવાનું દબાણ વધી રહ્યું છે. જોકે, આ દબાણ છતાં કેન્દ્ર સરકારે એન.બિરેન સિંહ પર વિશ્વાસ રાખ્યો હતો.
રાહુલ ગાંધી રાજ્યપાલને મળ્યા હતા
મણિપુરના બે દિવસીય પ્રવાસે પહોંચેલા રાહુલ ગાંધીએ શુક્રવારે રાજ્યપાલ અનુસુયા ઉઇકે સાથે મુલાકાત કરી હતી. આ પહેલા રાહુલ ગાંધી મણિપુર હિંસા પીડિતો માટે બનાવવામાં આવેલા રાહત કેમ્પમાં પણ ગયા હતા.
