અજિત પવારની અવગણના, શરદ પવારે એનસીપીની 25મી વર્ષગાંઠ પર આ જાહેરાત કરી
મહારાષ્ટ્રના રાજકારણમાંથી એક મોટા સમાચાર સામે આવ્યા છે. એનસીપી પ્રમુખ શરદ પવારે પાર્ટીના સ્થાપના દિવસ પર પાર્ટી સંગઠનમાં બે મહત્વપૂર્ણ ફેરફારો કર્યા છે. પવારે NCPના કાર્યકારી પ્રમુખ તરીકે પ્રફુલ પટેલ અને સુપ્રિયા સુલેની નિમણૂકની જાહેરાત કરી છે.
સુપ્રિયા અને પ્રફુલ્લ અનેક રાજ્યોના પ્રભારી
આ જાહેરાતની સાથે જ શરદ પવારે સુપ્રિયા સુલે અને પ્રફુલ પટેલને નવા ચાર્જ પણ સોંપ્યા હતા. સુપ્રિયાને મહારાષ્ટ્ર, હરિયાણા અને પંજાબ અને પ્રફુલ પટેલને મધ્યપ્રદેશ, ગોવા અને રાજસ્થાનના પ્રભારી બનાવવામાં આવ્યા છે.
અજિત પવારની અવગણના કરી
શરદ પવારના આ નિર્ણયને અજિત પવાર માટે પણ ઝટકો માનવામાં આવી રહ્યો છે. જોકે, આ જાહેરાત અજિત પવારની હાજરીમાં જ કરવામાં આવી હતી. શરદ પવારે એનસીપીની 25મી વર્ષગાંઠ પર આ જાહેરાત કરી હતી, જે પાર્ટી તેમના અને પીએ સંગમા દ્વારા 1999માં સ્થાપિત કરવામાં આવી હતી.
શરદ પવારે ગયા મહિને રાજીનામું આપવાની ઓફર કરી હતી
પવારે ગયા મહિને પક્ષના પ્રમુખ પદેથી રાજીનામું આપવાની ઓફર કરી હતી, જેના પગલે પક્ષના સભ્યો તેમજ અન્ય રાજકીય નેતાઓનો ભારે વિરોધ થયો હતો. પવારની ઓફર પર વિચારણા કરવા માટે રચવામાં આવેલી એનસીપીની પેનલે 5 મેના રોજ તેમનું રાજીનામું ફગાવી દીધું હતું અને તેમને પક્ષ પ્રમુખ તરીકે ચાલુ રાખવા વિનંતી કરી હતી.
