બ્રિટનની નોટો અને સિક્કાઓમાં દાયકાઓથી રાણી એલિઝાબેથ દ્વિતીય દર્શાવવામાં આવી છે. તેમનું પોટ્રેટ વિશ્વના અન્ય ડઝનેક દેશોના ચલણ પર પણ છે, જે બ્રિટિશ સામ્રાજ્યના પ્રભાવને દર્શાવે છે. પરંતુ ક્વિન એલિઝાબેથના મૃત્યુ બાદ શું પ્રિન્સ ચાર્લ્સની તસવીર લગાવાશે ?
કેતન જોષી. નમસ્કાર ગુજરાત ન્યૂઝ.
બ્રિટન, કેનેડા, ઓસ્ટ્રેલિયા, ન્યુઝીલેન્ડ અને અન્ય દેશોને ક્વિન એલિઝાબેથ-2ના મૃત્યુ પછી તેમની કરન્સી કન્વર્ટ કરવામાં સમય લાગશે, પરંતુ તેનો અર્થ એ નથી કે એલિઝાબેથના પોટ્રેટ સાથેની નોટો અને સિક્કા કામ કરશે નહીં. આ ચલણમાં હવે રાણીને બદલે રાજા ચાર્લ્સ ત્રીજાની તસવીર હશે, પરંતુ આ તુરંત શક્ય નથી.
નવા ચલણની ક્યારે થઇ શકે છે ચલણ ?
બેંક ઓફ ઈંગ્લેન્ડે જણાવ્યું હતું કે, “હાલમાં રાણીના ચિત્ર સાથેનું ચલણ કાયદેસર રીતે માન્ય રહેશે.” સત્તાવાર રીતે, દસ દિવસના રાષ્ટ્રીય શોક પછી, બ્રિટનની ‘સેન્ટ્રલ બેંક’ દ્વારા ચલણ અંગેની જાહેરાત કરવામાં આવશે. બ્રિટનમાં સત્તાવાર રીતે સિક્કા બનાવતી રોયલ મિન્ટે જણાવ્યું હતું કે રાણીનું ચિત્ર ધરાવતા તમામ સિક્કા કાયદેસર રીતે માન્ય રહેશે.
યુકેમાં હાલમાં 4.7 બિલિયન નોટો ચલણ હેઠળ
રોયલ મિન્ટની વેબસાઈટે જણાવ્યું હતું કે, “અમે પહેલાની જેમ શોકના આ સમયગાળામાં સિક્કા બનાવવાનું ચાલુ રાખીશું.” યુકેમાં હાલમાં 4.7 બિલિયન નોટો ચલણમાં છે, જેની કિંમત $95 બિલિયન છે. આ ઉપરાંત 29 અબજ સિક્કાનો ઉપયોગ વ્યવહારો અને વેપારમાં પણ થાય છે જે ઘણા વર્ષો સુધી ચલણમાં રહેવાની અપેક્ષા છે. યુકેના સિક્કા નિષ્ણાત વેબસાઈટ ‘કોઈન એક્સપર્ટ’ના જણાવ્યા અનુસાર, “તમામ સિક્કા અને નોટો પાછી ખેંચવાને બદલે, આ પ્રક્રિયા ક્રમશઃ થશે અને ક્વીન એલિઝાબેથ II ના પોટ્રેટ સાથેનું ચલણ આવનારા ઘણા વર્ષો સુધી ચલણમાં રહેશે.”‘
પ્રિન્સ ચાર્લ્સના રાજ્યભિષેક બાદ લેવાશ નવી તસવીર
વેબસાઈટ અનુસાર, રાજા ચાર્લ્સના રાજ્યાભિષેક પછી ડાબી બાજુથી ચહેરા સાથે તેમની એક નવી તસવીર લેવામાં આવશે અને તે જ ચિત્ર સિક્કાઓ પર અંકિત કરવામાં આવશે. નોંધપાત્ર રીતે, રાણીના પોટ્રેટમાં, તેમનો ચહેરો જમણી તરફ જોઈ રહ્યો હતો. આ 17મી સદીની પ્રથા છે, જે મુજબ નવા શાસકનું ચિત્ર અગાઉના શાસકની વિરુદ્ધ બાજુથી લેવામાં આવે છે.
ઓસ્ટ્રેલિયા, કેનેડા, ન્યુઝીલેન્ડના ચલણમાં પણ રાણીની તસવીર
અન્ય દેશોની વાત કરીએ તો ઓસ્ટ્રેલિયા અને કેનેડા જેવા દેશોના ચલણ પર પણ રાણીનું ચિત્ર અંકિત છે. વેબસાઈટ અનુસાર, આ દેશોમાં ચલણ પર ચિત્ર બદલવામાં વધુ સમય લાગી શકે છે કારણ કે મૂળ દેશમાં ડિઝાઇન બદલવી સરળ છે પરંતુ અન્ય દેશમાં લાગુ કરવી મુશ્કેલ છે.
કેનેડાએ કહ્યું નોટ બદલવાની કોઇ કાયદાકીય જવાબદારી નથી
બેંક ઓફ કેનેડાએ કહ્યું છે કે તેની $20ની નોટો, જે સિન્થેટિક પોલિમરથી બનેલી છે, આવનારા ઘણા વર્ષો સુધી ચલણમાં રહેશે. બેંક ઓફ કેનેડાએ જણાવ્યું હતું કે, “શાસકના બદલાવ પછી કોઈપણ સમયમર્યાદામાં ડિઝાઇન બદલવાની કોઈ કાનૂની જવાબદારી નથી.”
ચલણમાં જ રહેશે રાણીની તસવીર સાથેની કરંસી
રિઝર્વ બેંક ઓફ ન્યુઝીલેન્ડે કહ્યું કે તે ચાર્લ્સની છબી સાથેનું નવું ચલણ જારી કરતા પહેલા રાણીના પોટ્રેટ સાથેના તમામ સિક્કા જારી કરશે. બેંકે કહ્યું કે $20ની નોટમાં રાણીનું પોટ્રેટ પણ છે અને આ નોટોને ફક્ત એટલા માટે નષ્ટ કરી શકાતી નથી કારણ કે તેના પર રાણીનું પોટ્રેટ છે. ન્યુઝીલેન્ડની રિઝર્વ બેંકે જણાવ્યું હતું કે, “કીંગ ચાર્લ્સ III ના પોટ્રેટ ધરાવતા સિક્કા બહાર પાડવા જરૂરી હોય તે પહેલા $20ની નોટો ઘણા વર્ષો સુધી ચલણમાં રહેશે.”
