દુબઈના કોરાકોલા એરેનામાં આજે આઈપીએલ 2024 માટે કુલ 333 ક્રિકેટરોની હરાજી થશે.
આ હરાજી ભારતીય સમય પ્રમાણે બપોરે 1:00 વાગ્યાથી અને દુબઈના સમય મુજબ સવારે 11.30 કલાકે શરુ થશે.
મહત્વનું છે કે આઈપીએલના અત્યારસુધીના 16 વર્ષના ઇતિહાસમાં પ્રથમવાર કોઇ મહિલા ખેલાડી મલ્લિકા સાગર હરાજી કરાવશે.
અગાઉ 9 ડિસેમ્બરે યોજાયેલ વુમન્સ પ્રીમિયર લીગમાં હરાજી કરાવી ચૂકેલા મલ્લિક સાગર આ વખતે હરાજીના હોસ્ટની જવાબદારી સંભાળશે.
વખતે કુલ 333 ક્રિકેટરોની હરાજી થશે.
મહત્વનું છે કે 333 ખેલાડીઓ પૈકી 214 ખેલાડીઓ ભારતના છે અને બાકીના119 ખેલાડીઓ વિદેશી છે. વિદેશી ખેલાડીઓમાં 2 ખેલાડીઓ એસોસિએટ દેશોના છે, જ્યારે કેપ્ડ ખેલાડીઓની સંખ્યા 116 અને અનકેપ્ડ ખેલાડીઓની સંખ્યા 215 છે. 333 ખેલાડીઓમાંથી કુલ 77 ખેલાડીઓની જ ખરીદી થશે, જે પૈકીના 30 વિદેશી ખેલાડીઓ છે.
આ હરાજી દરમિયાન 23 ખેલાડીઓ એવા છે કે જેઓના મહત્તમ બેઝિક પ્રાઇસ બે કરોડ રૂપિયાનાબેઝના બ્રાઇકેટમાં ગણના થાય છે,જેમાં ભારતના શાર્દુલ ઠાકુર પણ સમાવિષ્ટ છે.
આ સિવાય હેરી બ્રુક, ટ્રેવિસ હેડ, રિલે રૂસો, સ્ટીવ સ્મિથ, ગેરાલ્ડ કોએત્ઝી, પેટ કમિન્સ, હર્ષલ પટેલ, શાર્દુલ ઠાકુર, ક્રિસ વોક્સ, જોશ ઈંગ્લિસ, લોકી ફર્ગ્યુસન, જોશ હેઝલવુડ, રાસી વાન ડેર ડ્યુસેન, જેમ્સ વિન્સ, આદિલ રહેમાન, મુજીબ ઉર રહેમાન, ઉમેશ યાદવ, મિશેલ સ્ટાર્ક, મુસ્તાફિઝુર રહીમ, ડેવિડ વિલી, બેન ડકેટ, સીન એબોટ, જેમી ઓવરટોન જેવા ખેલાડીઓ આ કેટેગરીમાં આવે છે.
જ્યારે 13 ખેલાડીઓની બેઝ પ્રાઈઝ 1.5 કરોડ રૂપિયા છે.જેમાં વાનિંદુ હસરંગા, ફિલિપ સાલ્ટ, કોલિન મુનરો, શેરફેન રદરફોર્ડ, ટોમ કુરેન, જેસન હોલ્ડર, મોહમ્મદ નબી, જેમ્સ નીશમ, ડેનિયલ સેમ્સ, ક્રિસ જોર્ડન, ટાઇમલ મિલ્સ, ઝાય રિચર્ડસન, ટીમ સાઉથી નો સમાવેશ થાય છે.
હરાજીનું લાઇવ પ્રસારણ સ્ટાર સ્પોર્ટ્સ નેટવર્ક ટીવી ચેનલ અને જિયો સિનેમા ઉપર પણ જોઇ શકાશે.
–ખેલાડીઓને રિલીઝ કર્યા બાદ આ ટીમોની પાસે આટલા રૂપિયા છે.
-RCB – 40.75 કરોડ
-SRH – 34 કરોડ
-KKR – 32.7 કરોડ
-CSK – 31.4 કરોડ
-PBKS – 29.1 કરોડ
-DC – 28.95 કરોડ
-MI – 15.25 કરોડ
-RR – 14.5 કરોડ
-LSG – 13.9 કરોડ
-GT – 13.85 કરોડ
ભારત બહાર વિદેશની ધરતી પર આજે મંગળવારે દુબઈના કોરાકોલા એરેના ખાતે યોજાનાર આ હરાજીને લઈ વિશ્વભરમાં ક્રિકેટ રસિયાઓમાં ભારે ઉત્સુકતા જોવા મળી રહી છે.
