દિલ્હી કેપિટલન્સ 213/2, કિંગ્સ ઇલેવન પંજાબ 198/8, લિવિંગસ્ટોન 94, અથર્વ ટાયડે 55 રન, ઇશાંત-નોર્ટ્ઝે 2-2 વિકેટ
દિલ્હી કેપિટલ્સ (DC) એ પંજાબ કિંગ્સ (PBKS) ને 15 રનથી હરાવીને તેમની અગાઉની હારનો બદલો લીધો હતો. ધર્મશાલા સ્ટેડિયમમાં રમાયેલી મેચમાં 214 રનના ટાર્ગેટનો પીછો કરવા ઉતરેલી પંજાબ કિંગ્સ 20 ઓવરમાં 198 રન જ બનાવી શકી હતી. પંજાબ માટે અથર્વ તાયડે 55 રનની ઇનિંગ રમી હતી અને લિવિંગસ્ટને 94 રન બનાવ્યા હતા, પરંતુ તે ટીમને જીત અપાવવામાં સફળ થઈ શક્યા ન હતા.
214 રનના ટાર્ગેટનો પીછો કરવા ઉતરેલી પંજાબ કિંગ્સની શરૂઆત ખરાબ રહી હતી. ટીમને પહેલો ફટકો ઇનિંગની બીજી ઓવરમાં કેપ્ટન શિખર ધવનના રૂપમાં લાગ્યો હતો જે ખાતું ખોલાવ્યા વગર જ પેવેલિયન પરત ફર્યા હતા. પંજાબ માટે આ મેચમાં ડાબોડી ખેલાડી અથર્વ તાયડેને નંબર 3 પર બેટિંગ કરવા માટે મોકલવામાં આવ્યો હતો. પંજાબે પ્રથમ 6 ઓવરમાં 47 રન બનાવ્યા
પ્રભસિમરન સિંહ અને અથર્વ તાયડેએ મળીને ટીમનો સ્કોર શરૂ કર્યો અને 4 ઓવરના અંતે સ્કોર 23 રન સુધી પહોંચાડ્યો. આ પછી પંજાબની ટીમ પ્રથમ 6 ઓવરમાં 1 વિકેટના નુકસાન પર 47 રનના સ્કોર સુધી પહોંચાડવામાં સફળ રહી હતી.
ઓપનિંગમાં ખાસ કમાલ ન કરી શકી કિંગ્સ ઇલેવન
પંજાબ કિંગ્સને આ મેચમાં બીજો ફટકો 50ના સ્કોર પર પ્રભસિમરન સિંહના રૂપમાં લાગ્યો હતો, જે 19 બોલમાં 22 રનની ઇનિંગ રમીને અક્ષર પટેલનો શિકાર બન્યો હતો. આ પછી અથર્વને લિયામ લિવિંગ્સ્ટનનો સપોર્ટ મળ્યો. 10 ઓવરની રમતના અંતે ટીમનો સ્કોર 2 વિકેટના નુકસાને 75 રન હતો.
અથર્વ તાયડેએ આ મેચમાં 37 બોલમાં પોતાની અડધી સદી પૂરી કરી હતી. 15 ઓવરની રમત પૂરી થઈ ત્યારે પંજાબનો સ્કોર 2 વિકેટના નુકસાને 128 રન હતો. દરમિયાન, અથર્વે 16મી ઓવરની શરૂઆત પહેલા 55ના વ્યક્તિગત સ્કોર પર પોતાને નિવૃત્તિ આપી હતી. અથર્વ અને લિવિંગસ્ટને ત્રીજી વિકેટ માટે 50 બોલમાં 78 રનની ભાગીદારી નોંધાવી હતી.
લિવિંગસ્ટને 94 રનની ઇનિંગ રમી
છેલ્લી 5 ઓવરમાં પંજાબ કિંગ્સને જીતવા માટે 86 રનની જરૂર હતી. ટીમને આ મેચમાં ચોથો ઝટકો 16મી ઓવરમાં જીતેશ શર્માના રૂપમાં લાગ્યો હતો, જે ખાતું ખોલાવ્યા વગર જ પેવેલિયન પરત ફર્યા હતા. આ પછી લિવિંગસ્ટન અને શાહરૂખ ખાન વચ્ચે 5મી વિકેટ માટે 6 બોલમાં 18 રનની ભાગીદારી થઈ હતી. શાહરૂખ ખાન 3 બોલમાં 6 રન બનાવીને પેવેલિયન પરત ફર્યો હતો.
પંજાબ કિંગ્સે ઇનિંગ્સની 17મી ઓવરમાં કુલ 20 રન બનાવ્યા હતા અને હવે તેને જીતવા માટે છેલ્લી 3 ઓવરમાં 59 રનની જરૂર હતી. પંજાબે ઇનિંગ્સની 18મી ઓવરમાં કુલ 21 રન બનાવ્યા, જેના કારણે ટીમને જીતવા માટે છેલ્લા 12 બોલમાં માત્ર 38 રનની જરૂર હતી. 19મી ઓવરમાં પંજાબની ટીમે 2 વિકેટ ગુમાવીને માત્ર 5 રન બનાવ્યા હતા, જેના કારણે તેને જીતવા માટે છેલ્લા 6 બોલમાં 33 રન બનાવવા પડ્યા હતા.
છેલ્લી ઓવરમાં પંજાબ કિંગ્સની ટીમ માત્ર 17 રન જ બનાવી શકી હતી અને તેને 15 રનથી હારનો સામનો કરવો પડ્યો હતો. પંજાબ માટે લિયામ લિવિંગસ્ટને 48 બોલમાં 94 રનની શાનદાર ઇનિંગ રમી હતી પરંતુ તે ટીમને જીત અપાવી શક્યો નહોતો. દિલ્હી તરફથી બોલિંગમાં ઈશાંત શર્મા અને એનરિક નોરખિયાએ 2-2 જ્યારે ખલીલ અહેમદ અને અક્ષર પટેલે 1-1 વિકેટ લીધી હતી.
દિલ્હીની ઇનિંગ્સમાં રિલી રોસોઉના બેટનો પાવર જોવા મળ્યો
આ મેચમાં દિલ્હી કેપિટલ્સ ટીમની ઇનિંગ્સની વાત કરીએ તો ડેવિડ વોર્નર અને પૃથ્વી શોની ઓપનિંગ જોડીએ ટીમને શાનદાર શરૂઆત અપાવી અને પ્રથમ વિકેટ માટે 94 રનની શાનદાર ભાગીદારી કરી. વોર્નર આ મેચમાં 31 બોલમાં 46 રનની ઇનિંગ રમીને પેવેલિયન પરત ફર્યો હતો. દિલ્હી માટે ત્રીજા નંબરે બેટિંગ કરવા ઉતરેલી રિલે રોસોવે આ મેચમાં પોતાની ઇનિંગની શરૂઆત ધમાકેદાર કરી હતી.
રિલી રોસોવે માત્ર 25 બોલમાં તેની IPL કારકિર્દીની પ્રથમ અડધી સદી પૂરી કરી હતી. રોસુ અને પૃથ્વી શો વચ્ચે બીજી વિકેટ માટે 28 બોલમાં 54 રનની ભાગીદારી જોવા મળી હતી. આ પછી રોસુને ફિલ સોલ્ટનો સાથ મળ્યો અને બંનેએ છેલ્લી 5 ઓવરમાં 65 રન બનાવીને 20 ઓવરમાં 2 વિકેટના નુકસાન પર ટીમના સ્કોરને 213 સુધી પહોંચાડવામાં મહત્વની ભૂમિકા ભજવી હતી. રિલે રોસોઉએ 37 બોલમાં 82 રન જ્યારે ફિલ સોલ્ટે 14 બોલમાં 26 રન બનાવ્યા હતા.
