વિશ્વમાં સૌથી વધુ સ્થળાંતર કરનારાઓમાં ભારતીય મૂળના લોકો છે જેઓની સંખ્યા લગભગ 1.8 કરોડ છે.
વર્ષ 2022 માં, ભારતીય પ્રવાસીઓએ રેમિટન્સ એટલે કે સ્વદેશ પૈસા મોકલવામાં એક નવો રેકોર્ડ બનાવ્યો છે.
યુનાઈટેડ નેશન્સ એજન્સી ઈન્ટરનેશનલ ઓર્ગેનાઈઝેશન ફોર માઈગ્રેશનએ કહ્યું કે વર્ષ 2022માં ભારતને રેમિટન્સના રૂપમાં $111 અરબ ડોલર મળ્યા જે વિશ્વમાં સૌથી વધુ છે.
આ સાથે જ ભારત 100 અબજ ડોલરના આંકડા સુધી પહોંચનાર વિશ્વનો પ્રથમ દેશ બની ગયો છે.
દક્ષિણ એશિયાના ત્રણ દેશો ભારત, પાકિસ્તાન અને બાંગ્લાદેશ રેમિટન્સ મેળવનારા ટોચના 10 દેશોમાં સામેલ હતા.
ભારતના 1.8 કરોડ લોકો વિદેશમાં કામ કરે છે. તેમાંથી યુએઈ, અમેરિકા અને સાઉદી અરેબિયામાં મોટી સંખ્યામાં ભારતીય ઈમિગ્રન્ટ્સ છે. ઇન્ટરનેશનલ ઓર્ગેનાઇઝેશન ફોર માઇગ્રેશન, મંગળવારે જારી કરાયેલ તેના વર્લ્ડ માઇગ્રેશન રિપોર્ટ, 2024માં જણાવ્યું હતું કે 2022માં રેમિટન્સ મેળવનારા ટોચના પાંચ દેશોમાં ભારત, મેક્સિકો, ચીન, ફિલિપાઇન્સ અને ફ્રાન્સનો સમાવેશ થાય છે.
2022 માં રેમિટન્સના સંદર્ભમાં મેક્સિકો બીજા ક્રમે હતું.
તેણે ચીનને પાછળ છોડીને 2021માં આ સ્થાન હાંસલ કર્યું હતું.
આ પહેલા ચીન ઐતિહાસિક રીતે ભારત પછી રેમિટન્સનો બીજો સૌથી મોટો પ્રાપ્તકર્તા દેશ હતો.
રિપોર્ટના ડેટા અનુસાર આ પહેલા 2010 ($53.48 બિલિયન), 2015 ($68.91 બિલિયન) અને 2020 ($83.15 બિલિયન) માં રેમિટન્સના સંદર્ભમાં પણ ભારત ટોચ પર રહ્યું હતું.
પાકિસ્તાન અને બાંગ્લાદેશે 2022માં અનુક્રમે આશરે $30 બિલિયન અને $21.5 બિલિયનનું રેમિટન્સ મેળવ્યું હતું.
પાકિસ્તાન છઠ્ઠા અને બાંગ્લાદેશ આઠમા સ્થાને છે.
રિપોર્ટમાં કહેવામાં આવ્યું છે કે વિશ્વમાં સૌથી વધુ સ્થળાંતર કરનારાઓ પણ ભારતીય મૂળના લોકો છે જે દેશની કુલ વસ્તીના લગભગ 1.3 ટકા અથવા 18 મિલિયન જેટલી છે. જેઓ યુએઈ, યુએસએ અને સાઉદી અરેબિયા જેવા દેશોમાં રહે છે.
