ભારતના દિગ્ગજ ટેનિસ ખેલાડી રોહન બોપન્નાએ આજે બુધવારે 24 જાન્યુઆરી ઈતિહાસ રચ્યો હતો.
તેના ઓસ્ટ્રેલિયન પાર્ટનર મેથ્યુ એબ્ડેન સાથે મળીને તે ઓસ્ટ્રેલિયન ઓપનની સેમીફાઈનલમાં પહોંચ્યો હતો. તેઓએ સાથે મળીને મેન્સ ડબલ્સની ક્વાર્ટર ફાઇનલમાં મેક્સિમો ગોન્ઝાલેઝ અને એન્ડ્રેસ મોલ્ટેનીની જોડીને હરાવી હતી.
રોહન અને એબ્ડેને આર્જેન્ટિનાની જોડીને 6-4, 7-6 (7-5)ના માર્જિનથી હરાવ્યા.
બોપન્ના ઓસ્ટ્રેલિયન ઓપનમાં પ્રથમ વખત મેન્સ ડબલ્સની સેમિફાઇનલમાં પહોંચ્યો છે.
ક્વાર્ટર ફાઈનલમાં જીત સાથે ઈતિહાસ પણ રચ્યો હતો. તે મેન્સ ડબલ્સ ટેનિસ રેન્કિંગમાં ટોચ પર પહોંચી ગયો હતો. તેણે પ્રથમ વખત આ સિદ્ધિ મેળવી છે. ખાસ વાત એ છે કે તે 43 વર્ષની ઉંમરમાં પહેલીવાર ટોપ પર પહોંચી છે. બોપન્ના પ્રથમ વખત નંબર-1 બનનાર સૌથી મોટી ઉંમરનો ખેલાડી બન્યો છે.
