કેએલ રાહુલ અને રવિન્દ્ર જાડેજાએ વિજય ભાગીદારી નોંધાવી, છઠ્ઠી વિકેટ માટે 108 રન નોંધાવ્યા, કેએલ રાહુલ અણનમ 75 રન, જાડેજા 45 રન
મુંબઈના વાનખેડે ખાતે રમાયેલી પ્રથમ વનડેમાં ભારતે ઓસ્ટ્રેલિયાને પાંચ વિકેટે હરાવ્યું હતું. ટોસ હાર્યા બાદ પ્રથમ બેટિંગ કરવા ઉતરેલી ઓસ્ટ્રેલિયન ટીમ 35.4 ઓવરમાં 188 રન પર સમેટાઈ ગઈ હતી. કાંગારૂઓ તરફથી મિચેલ માર્શે સૌથી વધુ 81 રનની ઇનિંગ રમી હતી.
જવાબમાં ભારતે 39.5 ઓવરમાં પાંચ વિકેટ ગુમાવીને લક્ષ્યાંક હાંસલ કરી લીધો હતો. કેએલ રાહુલે લયમાં પરત ફરીને સારી બેટિંગ કરતા 91 બોલમાં 75 રનની અણનમ ઇનિંગ રમી હતી. તેના સિવાય રવિન્દ્ર જાડેજા પણ 45 રન બનાવીને અણનમ રહ્યો હતો. બંને વચ્ચે છઠ્ઠી વિકેટ માટે 108 રનની અણનમ ભાગીદારી થઈ હતી.
આ જીત સાથે ભારતે ઓસ્ટ્રેલિયા સામે ત્રણ મેચની વનડે શ્રેણીમાં 1-0ની લીડ મેળવી લીધી છે. હવે આગામી વનડે રવિવારે વિશાખાપટ્ટનમમાં રમાશે. ટીમ ઈન્ડિયાએ ઓસ્ટ્રેલિયાને વાનખેડે સ્ટેડિયમમાં 16 વર્ષ બાદ વનડેમાં હરાવ્યું છે.
મેચમાં ટોસ હાર્યા બાદ પ્રથમ બેટિંગ કરવા ઉતરેલી ઓસ્ટ્રેલિયન ટીમ 35.4 ઓવરમાં 188 રનમાં સમેટાઈ ગઈ હતી. ફાસ્ટ બોલર મોહમ્મદ સિરાજ અને મોહમ્મદ શમીએ 3-3 વિકેટ લીધી હતી. આ પછી ભારતીય ટીમે 39.5 ઓવરમાં 5 વિકેટ ગુમાવીને 191 રન બનાવીને મેચ જીતી લીધી હતી.
ભારતીય ટીમે એક સમયે 39 રનમાં 4 વિકેટ ગુમાવી દીધી હતી. પરંતુ ભારતીય ઓપનર કેએલ રાહુલે 91 બોલમાં 75 રનની મેચ વિનિંગ અણનમ ઇનિંગ રમીને જીત મેળવી હતી. તેમને રવિન્દ્ર જાડેજાએ ટેકો આપ્યો હતો. જાડેજાએ 69 બોલમાં 45 રનની શાનદાર અણનમ ઇનિંગ રમી હતી. રાહુલ અને જાડેજાએ છઠ્ઠી વિકેટ માટે 123 બોલમાં 108 રનની અણનમ ભાગીદારી કરી હતી. આ પહેલા ભારતીય ટીમે ઓસ્ટ્રેલિયાને તેના ઘરે 4 ટેસ્ટ મેચની શ્રેણીમાં 2-1થી હરાવ્યું હતું. હવે વનડે શ્રેણીની પ્રથમ મેચમાં કારમી હાર આપી છે.
