બિગ બેશ લીગમાં સફેદ બોલ ક્રિકેટ માટેની પ્રેક્ટિસ પીચો ટીમ ઇન્ડિયાને પધરાવી, ભારતીય ટીમ પીચ પરના ઉછાળ અને પેસથી નારાજ, ઓસ્ટ્રેલિયન ટીમે નવી પચ પર પ્રેક્ટિસ કરી
ટીમ ઈન્ડિયા ચોથી ટેસ્ટ માટે મેલબોર્ન ક્રિકેટ ગ્રાઉન્ડ (MCG) પર ઘણો પરસેવો પાડી રહી છે. ટીમના તમામ ખેલાડીઓ મેલબોર્ન ક્રિકેટ ગ્રાઉન્ડ પર પ્રેક્ટિસ કરતા જોવા મળ્યા હતા. જો કે ઓસ્ટ્રેલિયામાં ટીમ ઈન્ડિયા સાથે ફરી એકવાર ભેદભાવ કરવામાં આવ્યો છે. મીડિયા રિપોર્ટ્સ અનુસાર, ટીમ ઈન્ડિયાને પ્રેક્ટિસ માટે એવી પિચો આપવામાં આવી છે જેના પર ખેલાડીઓએ બિગ બેશ લીગમાં પ્રેક્ટિસ કરી હતી. આ પીચો સફેદ બોલની ક્રિકેટમાં પ્રેક્ટિસ માટે બનાવવામાં આવી હતી. પરંતુ હવે ટીમ ઈન્ડિયા તેમના પર પ્રેક્ટિસ કરી રહી છે. ભારતીય ટીમ પીચથી નાખુશ છે. આમાં પણ કોઈ ઉછાળો નથી.
ટીમ ઈન્ડિયા પીચથી નારાજ, નથી કોઈ બાઉન્સ કે પેસ
આ પીચોમાં બાઉન્સ ખૂબ જ ઓછો હોય છે અને તેમાં એટલી ઝડપ હોતી નથી જેટલી સામાન્ય રીતે ઓસ્ટ્રેલિયાની પીચોમાં જોવા મળે છે. ભારતીય ટીમને પ્રેક્ટિસ માટે ચાર પીચો ઉપલબ્ધ કરાવવામાં આવી હતી. ભારતીય ખેલાડીઓ આ બધાની ગુણવત્તાથી નાખુશ દેખાતા હતા. આ પીચો બોક્સિંગ ડે ટેસ્ટમાં ઉપયોગમાં લેવાતી પીચોથી સંપૂર્ણપણે અલગ છે.
ઓસ્ટ્રેલિયાએ હાઈ પીચ પર પ્રેક્ટિસ કરી
કહેવામાં આવી રહ્યું છે કે જે પીચો પર ટીમ ઈન્ડિયાએ પ્રેક્ટિસ કરી હતી તેમાં હાઈ બાઉન્સવાળી વિકેટ હતી, જોકે તે ટીમ ઈન્ડિયા માટે તૈયાર નહોતી. અહેવાલો અનુસાર, ઓસ્ટ્રેલિયાએ હવે આના પર પ્રેક્ટિસ કરી છે. ઓસ્ટ્રેલિયાને ઝડપી ગતિ અને સારા બાઉન્સવાળી પીચો આપવામાં આવી હતી. જે તેમને મેલબોર્ન ટેસ્ટમાં ઘણી મદદ કરશે. કારણ કે આ પીચો મેલબોર્ન ટેસ્ટમાં ઉપયોગમાં લેવાતી પીચ જેવી જ હશે. આવી સ્થિતિમાં ઓસ્ટ્રેલિયાએ ફરીથી ભારત સાથે ભેદભાવ કર્યો છે એમ કહેવું ખોટું નહીં હોય.
ક્યુરેટરે કહ્યું MCG પિચ કેવી હશે?
બીજી તરફ, MCG પિચ ક્યુરેટર મેટ પેજે જણાવ્યું છે કે આગામી ટેસ્ટ માટે પિચ કેવી રહેશે. મીડિયા સાથે વાત કરતા તેણે કહ્યું, ‘સાત વર્ષ પહેલા પિચ એકદમ સપાટ હતી. અમે નક્કી કર્યું કે અમે વધુ રોમાંચક ટેસ્ટ મેચ બનાવવા માંગીએ છીએ. તેથી હવે અમે પીચો પર વધુ ઘાસ છોડીએ છીએ. આનાથી બોલરોને વધુ રમવાની તક મળે છે, પરંતુ નવો બોલ સોફ્ટ થયા બાદ બેટિંગ પણ સારી રહેશે. છેલ્લા કેટલાક વર્ષોથી, અમે છ મિલીમીટર (ઘાસનું કદ) પીઠ જાળવીએ છીએ. તેણે એ પણ ખુલાસો કર્યો કે MCG પિચ સ્પિનરો માટે મદદરૂપ સાબિત થશે નહીં.
