ઑન્ટારિયો લોટરી એન્ડ ગેમિંગ કોર્પોરેશનનું એલાન, હજુ સુધી વિજેતા ટિકિટ હોલ્ડરે નથી કર્યું ક્લેઇમ, 27 જૂન 2023 ક્લેઇમ કરવાની છેલ્લી તારીખ
સંભવિત વિજેતા સ્કારબરોમાં હોઇ શકે છે જ્યાંથી રિટેઇલર પાસેથી ખરીદાઇ હતી ટિકિટ
ઑન્ટારિયો લોટરી એન્ડ ગેમિંગ કોર્પોરેશન (OLG) એ જણાવ્યું હતું કે તેઓ હવે 28 જૂનની સમાપ્તિ તારીખ પહેલાં જનતાના 760 થી વધુ કૉલ્સની ચકાસણી કરવાની પ્રક્રિયામાં છે. જો 28 જૂન, 2022ના ડ્રોના વિજેતા સમયમર્યાદા સુધીમાં ન મળે તો કેનેડિયન ઈતિહાસમાં આ સૌથી મોટું લોટરી ઈનામ હશે જેનું એલાન બાદ પણ હજુ સુધી ઓરિજીનલ દાવેદાર મળ્યો નથી.
OLGના પ્રવક્તા ટોની બિટોન્ટીએ શુક્રવારે જણાવ્યું હતું કે, “જ્યારે લોકો દાવો કરે છે કે તેઓએ તેમની ટિકિટ ગુમાવી દીધી છે, ત્યારે OLG કર્મચારી તે વ્યક્તિ સાચા માર્ગ પર છે કે કેમ તે નક્કી કરવા માટે કેટલાક પ્રશ્નો પૂછશે.” “જો નહીં, તો તેઓ પ્રક્રિયાનો ભાગ નથી. પરંતુ જો તેઓ એવા કેટલાક પ્રશ્નોના જવાબ આપી શકે કે જેનાથી અમને વિશ્વાસ થાય કે તેઓ ટિકિટના માલિક હોઈ શકે છે, તો તેઓ વધુ સમીક્ષા માટે બોલાવવામાં આવે છે.”
ટિકિટ સ્કારબરોમાં રિટેલર પાસેથી ખરીદવામાં આવી હતી, જોકે OLG તેમની માન્યતા પ્રક્રિયાને સુરક્ષિત રાખવા માટે સ્ટોરનું નામ આપી રહ્યું નથી. બિટોન્ટીએ જણાવ્યું હતું કે જ્યારે લોકો OLG તરફ આગળ આવ્યા છે, ત્યારે ગયા જૂનમાં ટિકિટ ખરીદવામાં આવી હતી ત્યારથી હજુ પણ તેની પર કોઈ પ્રવૃત્તિ કરાઇ નથી.
બિટોન્ટીએ કહ્યું કે “અમે કોઈએ આ ટિકિટ તેમની એપ્લિકેશન પર અથવા સ્વ-તપાસ પર હજુ સુધી ચકાસી નથી,” બિટોન્ટીએ કહ્યું કે આ ટિકિટનું શું થયું હશે તે અંગે ઘણી બધી શક્યતાઓ છે, પરંતુ જ્યાં સુધી વિજેતા ન આવે ત્યાં સુધી તે જાણવું અશક્ય છે. “તેઓની ટિકિટ ખોવાઈ ગઇ હોઈ શકે અને તેઓ જાણતા ન હોય કે તેઓ વિજેતા બની ચૂક્યા છે પરંતુ ટિકિટ ચકાસવાથી દૂર રહ્યા હોય. તેઓ જાતે જ ટિકિટ ચેક કરી શક્યા હોત અને જાણતા હોત, પરંતુ હજુ સુધી આગળ આવ્યા નથી,” “સૌથી ખરાબ પરિસ્થિતિ એ છે કે, તેઓ મૃત્યુ પામ્યા હોય અને તેમના વહીવટકર્તાને ખબર નથી કે આ ટિકિટ અસ્તિત્વમાં છે.”તેમ તેમણે ઉમેર્યું હતું.
70 મિલિયન ડોલરના લોટ્ટો મેક્સ ડ્રો માટે વિજેતા નંબરો 8, 19, 22, 41, 42, 46, 47 બોનસ 1 નંબર આવ્યો હતો.
