Sri Lanka Economic Crisis : વિરોધીઓએ શ્રીલંકામાં રાષ્ટ્રપતિ ભવનને ઘેરી લીધું. મળતી માહિતી મુજબ રાષ્ટ્રપતિ ગોટાબાયા રાજપક્ષે નિવાસસ્થાનથી ભાગી ગયા છે.
શ્રીલંકા (sri lanka)ની આર્થિક કટોકટી: શ્રીલંકામાં આર્થિક સંકટ વધુ ઘેરી બન્યું છે. દરમિયાન, મોંઘવારીથી પરેશાન લોકો જોરશોરથી પ્રદર્શન કરી રહ્યા છે (sri lanka protest). દેખાવકારોએ રાષ્ટ્રપતિ ભવનનો ઘેરાવ કર્યો છે. મળતી માહિતી મુજબ રાષ્ટ્રપતિ ગોટાબાયા રાજપક્ષે (Gotabaya Rajapaksha) નિવાસસ્થાનથી ( president’s residence) ભાગી ગયા છે. અહેવાલ છે કે વિરોધકર્તાઓએ રાજપક્ષેના નિવાસસ્થાનની બહાર ભારે હંગામો મચાવ્યો હતો. કેટલાક વિરોધીઓ રાષ્ટ્રપતિ ભવનમાં ઘૂસી ગયા હતા. એવું કહેવામાં આવી રહ્યું છે કે પ્રદર્શનકારીઓએ રાષ્ટ્રપતિ ભવન પર કબજો કરી લીધો છે.
પ્રદર્શનકારીઓ અને સુરક્ષા દળો વચ્ચે ઘર્ષણ
કહેવામાં આવી રહ્યું છે કે કોલંબોમાં વિરોધ પ્રદર્શન દરમિયાન પ્રદર્શનકારીઓ અને સુરક્ષા દળો વચ્ચે ઘર્ષણ થયું છે. પોલીસકર્મીઓ સહિત અનેક લોકો ઘાયલ થયા છે. પોલીસે વોટર કેનનનો પણ ઉપયોગ કર્યો છે. આ દરમિયાન, ગાલે ક્રિકેટ સ્ટેડિયમમાં પણ હંગામો થયો છે, જ્યાં ઓસ્ટ્રેલિયા-શ્રીલંકા મેચ ચાલી રહી છે. પ્રદર્શનકારીઓ પણ અહીં પહોંચી ગયા છે. મળતી માહિતી મુજબ આ પ્રદર્શનમાં પૂર્વ ક્રિકેટર સનથ જયસૂર્યા પણ જોડાયા છે.
રાષ્ટ્રપતિનું રાજીનામું માંગી રહ્યા છે પ્રદર્શનકારી
નોંધપાત્ર વાત એ છે કે આર્થિક સંકટનો સામનો કરી રહેલા શ્રીલંકાની હાલત ખરાબ થઈ રહી છે. દેશની સામાન્ય જનતા મોંઘવારીથી ત્રસ્ત છે. ઘણા સમયથી લોકો તેલ અને વીજળીની કટોકટીનો સામનો કરી રહ્યા છે. આ જ કારણ છે કે વિરોધીઓ રાષ્ટ્રપતિ ગોટાબાયા રાજપક્ષે વિરુદ્ધ પ્રદર્શન કરી રહ્યા છે અને તેમના રાજીનામાની માંગ કરી રહ્યા છે.
PMએ ઈમરજન્સી બેઠક બોલાવી
બીજી તરફ શ્રીલંકાના વડાપ્રધાન રાનિલ વિક્રમસિંઘેએ સ્થિતિ પર ચર્ચા કરવા અને કોઈ ઉકેલ શોધવા માટે પાર્ટી નેતાઓની ઈમરજન્સી બેઠક બોલાવી છે. વડાપ્રધાન વિક્રમસિંઘેએ સ્પીકરને સંસદનું સત્ર બોલાવવાની માંગ કરી છે.
