ખરાબ હવામાનની પગલે સ્થિતિ વણસી જતા એજન્ટે જ કેનેડિયન માઉન્ટેન પોલીસને ફોનથી જાણ કરી
ડીંગુચા નો પરિવાર જે જગ્યાએ ગત વર્ષે મોતને ભેટ્યું હતું તે સ્થળથી નજીક 9 લોકો ઝડપાયા
વોરરોડ. – કેનેડામાં ફરીથી એક વખત એક બોર્ડર ક્રોસિંગ કરીને અમેરિકા પહોંચવાની ઘટના ઘટી છે અને આ વખતે આ ઘટનામાં નવ જેટલા ઝડપાયા છે અને એક લાપતા છે. નવ લોકોનું એક જૂથ કે જેઓ મોટાભાગે યુએસ-કેનેડા સરહદ ગેરકાયદેસર રીતે ઓળંગી ગયા હતા તેઓ મંગળવારે વોરરોડ નજીક કઠોર હવામાન પરિસ્થિતિઓના સંપર્કમાં આવ્યા હતા. નોંધનીય છે કે ગત વર્ષે જાન્યુઆરીમાં મોતને ભેટેલા ડીંગુચાનો પરિવાર અહીંથી થોડે દુર જ મળી આવ્યો હતો.
આ જૂથે દક્ષિણપૂર્વીય મેનિટોબામાં સ્પ્રેગ નજીકના જંગલોમાં તેમનું ગેરકાયદેસર ક્રોસિંગ કર્યું અને લગભગ સવારે 4 વાગ્યે 911 પર ફોન કર્યો કારણ કે તેઓ હાયપોથર્મિયાથી પીડિત હતા, રોસો કાઉન્ટીના શેરિફ સ્ટીવ ગસ્ટે મંગળવારે ઍક નિવેદનમાં જણાવ્યું હતું. “કેટલાકને હોસ્પિટલમાં સ્થાનાંતરિત કરવામાં આવ્યા હતા પરંતુ તેમાંથી મોટાભાગના લોકોની સ્થિતિ ખૂબ સારી છે,” તેઓ ભીના હતા અને કપડાં થીજી ગયા હતા જેને પગલે તેમની સ્થિતિ બોર્ડર ક્રોસિંગ વખતે વણસી હતી.”
સીબીપીના જણાવ્યા અનુસાર, જૂથ વોરરોડની પશ્ચિમમાં પૂરગ્રસ્ત બોગમાં સ્થિત હતું. આ એવો વિસ્તાર છે જેમાં પાણીની અંદર વનસ્પતિ અને લીલ જામેલી હોય છે. જેમાંથી પસાર થવું અત્યંત કઠિન હોય છે. પોલિસે હાલ તપાસ આરંભી છે જૉકે ઇમિગ્રન્ટ્સ કયા દેશના છે તેની ઓળખ જાહેર કરી નથી.
યુ.એસ.-કેનેડા સરહદ તાજેતરના કિસ્સાને પગલે ગેરકાયદે બોર્ડર ક્રોસ કરવાનું કેન્દ્ર બન્યું છે. કારણ કે બંને દેશોના સત્તાવાળાઓ સંયુક્ત સંધિની શરતો હેઠળ બંને દિશામાં ગેરકાયદેસર સ્થળાંતરને નિયંત્રિત કરવા માગે છે.
ગયા મહિને સંધિને કડક બનાવ્યાના થોડા સમય પછી, ક્યુબેકમાં બોટ દ્વારા સેન્ટ લોરેન્સ નદી પાર કરીને કેનેડાથી યુ.એસ.માં પ્રવેશવાનો પ્રયાસ કરી રહેલા ભારત અને રોમાનિયાના આઠ સ્થળાંતરીઓ ડૂબી ગયા હતા જેમાંથી ગુજરાતી પરિવારના અંતિમ સંસ્કાર ગત સપ્તાહે કેનેડામાં જ કરાયા હતા.
જાન્યુઆરી 2022 માં, કેનેડામાં પોલીસને એક ભારતીય પરિવારના ચાર સભ્યોના મૃતદેહ મળી આવ્યા હતા, જેમાં એક શિશુ સહિત, મેનિટોબાની ઉત્તર ડાકોટા-મિનેસોટા સરહદે પગપાળા યુનાઇટેડ સ્ટેટ્સમાં પ્રવેશવાનો પ્રયાસ કર્યો હતો. ફ્લોરિડાના એક વ્યક્તિ પછીના કેસમાં માનવ તસ્કરી ના ફેડરલ આરોપોનો સામનો કરી રહ્યો છે.
