જાણીતી કંપની ‘Bajaria Global Pty Ltd’ (જે The Spice Merchants તરીકે વેપાર કરે છે) એ તેમના છીણેલા નારિયેળના એક ખાસ જથ્થાને બજારમાંથી પાછું ખેંચવાની (Recall) જાહેરાત
પર્થ: વેસ્ટર્ન ઓસ્ટ્રેલિયા (WA) માં રહેતા ગુજરાતીઓ અને અન્ય ગ્રાહકો માટે ચિંતાજનક સમાચાર સામે આવ્યા છે. જાણીતી કંપની ‘Bajaria Global Pty Ltd’ (જે The Spice Merchants તરીકે વેપાર કરે છે) એ તેમના છીણેલા નારિયેળના એક ખાસ જથ્થાને બજારમાંથી પાછું ખેંચવાની (Recall) જાહેરાત કરી છે. તપાસ દરમિયાન આ ઉત્પાદનમાં અત્યંત જોખમી હેપેટાઇટિસ A (Hepatitis A) વાયરસનું સંક્રમણ જોવા મળ્યું છે.
તમારા રસોડામાં રહેલા પેકેટની તપાસ કરો
જો તમે તાજેતરમાં વેસ્ટર્ન ઓસ્ટ્રેલિયાના કોઈ સ્વતંત્ર રિટેલ સ્ટોર પરથી નારિયેળ ખરીદ્યું હોય, તો નીચેની વિગતો ખાસ ચેક કરી લેવી:
- ઉત્પાદનનું નામ: Fresh ‘N’ Frozen Favour-ita Grated Coconut (400g)
- બેચ નંબર: FI-08-25
- એક્સપાયરી ડેટ: Jul 2028
સ્વાસ્થ્ય માટે ગંભીર જોખમ
હેપેટાઇટિસ A વાયરસથી દૂષિત ખોરાક ખાવાથી વ્યક્તિ ગંભીર રીતે બીમાર પડી શકે છે. આ વાયરસ સીધો યકૃત (Liver) પર હુમલો કરે છે.
ગ્રાહકો માટે સૂચના
૧. ઉપયોગ ટાળો: આ પ્રોડક્ટનો ઉપયોગ ખાવામાં બિલકુલ કરશો નહીં. ૨. રિફંડ મેળવો: તમે આ પેકેટ જે સ્ટોરમાંથી ખરીદ્યું હોય ત્યાં જઈને પરત કરી શકો છો. તમને તેના બદલામાં પૂરેપૂરું વળતર (Full Refund) આપવામાં આવશે. ૩. ડોક્ટરની સલાહ: જો તમે ભૂલથી આ નારિયેળ ખાઈ લીધું હોય અને તમને તાવ, ઉબકા કે કમળા જેવા લક્ષણો જણાય, તો તાત્કાલિક ડોક્ટર પાસે તપાસ કરાવો.
કંપનીનો સંપર્ક કેવી રીતે કરવો?
જો તમને આ અંગે વધુ કોઈ પ્રશ્ન હોય, તો તમે સીધો કંપનીનો સંપર્ક કરી શકો છો:
- ફોન: 08 9204 4225
- ઇમેઇલ: [email protected]
