પાકિસ્તાનને મેચ જીતવા માટે 342 રનની જરૂર હતી, પરંતુ યજમાન ટીમ 268 રનમાં ઓલઆઉટ થઈ ગઈ હતી. આ રીતે બેન સ્ટોક્સની ટીમે આ મેચ 74 રને જીતી લીધી અને શ્રેણીમાં 1-0થી આગળ
ઈંગ્લેન્ડે રાવલપિંડી ટેસ્ટમાં પાકિસ્તાનને હરાવ્યું હતું. આ મેચમાં પાકિસ્તાનને 74 રનથી હારનો સામનો કરવો પડ્યો હતો. આ રીતે ઈંગ્લેન્ડની ટીમ 3 ટેસ્ટ મેચની શ્રેણીમાં 1-0થી આગળ થઈ ગઈ છે. પાકિસ્તાનને મેચ જીતવા માટે 342 રનની જરૂર હતી, પરંતુ યજમાન ટીમ 268 રનમાં ઓલઆઉટ થઈ ગઈ હતી. આ રીતે બેન સ્ટોક્સની ટીમે 74 રનથી મેચ જીતી લીધી હતી. જોકે 22 વર્ષ બાદ ઈંગ્લેન્ડે પાકિસ્તાનની ધરતી પર ટેસ્ટ મેચ જીતી છે.
પાકિસ્તાની ઈનિંગ્સ 268 રન સુધી મર્યાદિત રહી
પાકિસ્તાન તરફથી બીજી ઈનિંગમાં સઈદ શકીલે સૌથી વધુ રન બનાવ્યા હતા. તેણે 159 બોલમાં 76 રનની ઇનિંગ રમી હતી. તે જ સમયે ઇમામ-ઉલ-હકે 48 રનનું યોગદાન આપ્યું હતું. જ્યારે મોહમ્મદ રિઝવાન અને અઝહર અલીએ અનુક્રમે 48 અને 40 રનનું યોગદાન આપ્યું હતું. આ સિવાય પાકિસ્તાનના મોટાભાગના બેટ્સમેનો સસ્તામાં પેવેલિયન પરત ફર્યા હતા. જેના કારણે પાકિસ્તાનની ટીમ ટાર્ગેટથી 74 રન દૂર રહી હતી. આ રીતે ઈંગ્લેન્ડની ટીમ 3 ટેસ્ટ મેચની શ્રેણીમાં 1-0થી આગળ થઈ ગઈ છે. હવે આ શ્રેણીની બીજી મેચ 9 ડિસેમ્બરે મુલતાનમાં રમાશે.
ઓલી રોબિન્સન અને જિમી એન્ડરસનની ઘાતક બોલિંગ
ઈંગ્લેન્ડ તરફથી ઓલી રોબિન્સન અને જિમી એન્ડરસન સૌથી સફળ બોલર રહ્યા હતા. ઓલી રોબિન્સન અને જિમી એન્ડરસને 4-4 વિકેટ લીધી હતી. આ સિવાય કેપ્ટન બેન સ્ટોક્સ અને જેક લીચને 1-1 સફળતા મળી હતી. ઓલી રોબિન્સને 22 ઓવરમાં 50 રન આપીને 4 વિકેટ ઝડપી હતી. જ્યારે જિમી એન્ડરસને 24 ઓવરમાં 36 રન આપીને 4 ખેલાડીઓને પેવેલિયનનો રસ્તો બતાવ્યો હતો. મહત્વપૂર્ણ છે કે 3 ટેસ્ટ મેચની સીરિઝની બીજી મેચ 9 ડિસેમ્બરથી મુલતાનમાં રમાશે. તે જ સમયે, આ શ્રેણીની છેલ્લી ટેસ્ટ મેચ 17 ડિસેમ્બરથી કરાચીમાં રમાશે.
