ભારતીય ક્રિકેટ ટીમના સ્ટાર બોલર મોહમ્મદ શમીએ તેની સર્જરી કરાવી લીધી છે. શમી લાંબા સમયથી ટીમની બહાર હતો. શમીની એડીની સર્જરી સફળ રહી. તેણે પોતે સોશિયલ મીડિયા પર એક પોસ્ટ કરીને આ માહિતી આપી હતી.
શમીએ પોતાની પોસ્ટમાં લખ્યું છે કે તેની એડીનું ઓપરેશન સફળ રહ્યું છે, પરંતુ તેને સાજા થવામાં સમય લાગશે. શમીએ પોસ્ટની સાથે સોશિયલ મીડિયા પર તેની કેટલીક તસવીરો પણ શેર કરી છે.
PM મોદીએ પણ ઝડપી સ્વસ્થ થવાની શુભકામના પાઠવી
તમારી જાણકારી માટે તમને જણાવી દઈએ કે મોહમ્મદ શમી સર્જરીના કારણે IPL 2024માંથી બહાર થઈ ગયો હતો. શમી ન રમવાના કારણે ગુજરાત ટાઇટન્સને મોટો ફટકો પડ્યો હતો. આ સિવાય સ્ટાર બોલર શમી ઈંગ્લેન્ડ સામેની ટેસ્ટ શ્રેણી પણ રમી શક્યો ન હતો.
ભારતીય ટીમનો ફાસ્ટ બોલર મોહમ્મદ શમી ઈજાના કારણે ટીમની બહાર છે. ODI વર્લ્ડ કપ 2023 દરમિયાન એક મેચમાં તેને પગની ઘૂંટીમાં ઈજા થઈ હતી, જેના કારણે શમી ટેસ્ટ સિરીઝ રમી શક્યો ન હતો અને તે IPL 2024માંથી પણ બહાર છે, પરંતુ હાલમાં જ શમીની સર્જરીને લઈને એક મોટું અપડેટ સામે આવ્યું છે.
