BJPનો મેનિફેસ્ટો જાહેર, PMએ કહ્યું- 5 વર્ષ સુધી ફ્રી રાશન, જાણો ક્યા ક્યા વાયદા કરાયા

ભાજપના સંકલ્પ પત્રમાં UCC સહિત અનેક વચનો અપાયા, વિકસિત ભારતના ચાર મજબૂત સ્તંભોને સશક્ત બનાવવા નિર્ધાર: યુવા શક્તિ, મહિલા શક્તિ, ગરીબ અને ખેડૂતો પર વિશેષ ધ્યાન

BJP Manifesto, BJP Sankalp Patr, Loksabha Election 2024, PM Narendra Modi, PM Modi,

ભાજપે (BJP) આજે સવારે લોકસભા ચૂંટણી (Loksabha Election)માટે પોતાનો ચૂંટણી ઢંઢેરો (Election Manifesto) જાહેર કર્યો છે. વડાપ્રધાન નરેન્દ્ર મોદીની હાજરીમાં પાર્ટી હેડક્વાર્ટર ખાતે બીજેપી મેનિફેસ્ટો બહાર પાડવામાં આવ્યો હતો. તમને જણાવી દઈએ કે, કેન્દ્રીય મંત્રી રાજનાથ સિંહની અધ્યક્ષતામાં 27 વરિષ્ઠ નેતાઓની સમિતિએ ઢંઢેરો તૈયાર કર્યો છે. કેન્દ્રીય નાણામંત્રી નિર્મલા સીતારમણ આ સમિતિના કન્વીનર છે.

ઢંઢેરાને બહાર પાડતા પીએમ મોદીએ કહ્યું કે, ‘ભાજપે મેનિફેસ્ટોની પવિત્રતા ફરી સ્થાપિત કરી છે. આ સંકલ્પ પત્ર વિકસિત ભારતના ચાર મજબૂત સ્તંભોને સશક્ત બનાવે છે – યુવા શક્તિ, મહિલા શક્તિ, ગરીબ અને ખેડૂતો. અમારું ધ્યાન કામ પર છે.

પોતાના સંબોધનમાં પીએમ મોદીએ કહ્યું કે ભાજપ ત્રણ પ્રકારના ઈન્ફ્રાસ્ટ્રક્ચર દ્વારા 21મી સદીના ભારતનો પાયો મજબૂત કરવા જઈ રહી છે – 1) સોશિયલ ઈન્ફ્રાસ્ટ્રક્ચર, 2) ડિજિટલ ઈન્ફ્રાસ્ટ્રક્ચર, 3) ફિઝિકલ ઈન્ફ્રાસ્ટ્રક્ચર. અમે સામાજિક ઈન્ફ્રાસ્ટ્રક્ચર માટે નવી શૈક્ષણિક સંસ્થાઓ ખોલી રહ્યા છીએ. ભૌતિક ઈન્ફ્રાસ્ટ્રક્ચર હેઠળ, અમે સમગ્ર દેશમાં હાઈવે, રેલ્વે, એરવેઝ અને જળમાર્ગોનું આધુનિકીકરણ કરી રહ્યા છીએ. ડિજિટલ ઈન્ફ્રાસ્ટ્રક્ચર હેઠળ, અમે 5G નેટવર્કનું વિસ્તરણ કરી રહ્યા છીએ, 6G પર કામ કરી રહ્યા છીએ અને ઈન્ડસ્ટ્રી 4.0ને ધ્યાનમાં રાખીને અમે ડિજિટલ ઈન્ફ્રાસ્ટ્રક્ચર બનાવી રહ્યા છીએ.

આવો જાણીએ ભાજપના ચૂંટણી ઢંઢેરાની મોટી બાબતો-