ભાજપે પાંચમી યાદી દ્વારા ખેરાલુ, માણસા, અને ગરબાડા બેઠકના ઉમેદવારો જાહેર કર્યા
ગુજરાત ઇલેક્શન માટે ભારતીય જનતા પાર્ટીએ વધુ ત્રણ ઉમેદવારોના નામ જાહેર કર્યા છે. ખેરાલુ બેઠક પરથી સરદારસિંહ ચૌધરી, માણસા બેઠક પરથી જયંતી પટેલ અને ગરબાડા બેઠક પરથી મહેન્દ્ર ભાભોર ચૂંટણી લડશે. આમ કોંગ્રેસ છોડીને ટિકિટની લાલચમાં જે ભાજપમાં જોડાયા હતા તે જયરાજસિંહ પરમારની ટિકિટ કપાઇ ગઇ છે. ભાજપે ચૌધરી મતદારો પર વધુ ભાર મૂકતા સરદારસિંહ ચૌધરીને ટિકિટ આપી છે. માણસાથી અમિત ચૌધરીને ટિકિટ મળી નથી. ખેરાલુ બેઠક પર રેખા ચૌધરીનું નામ પણ ચર્ચામાં હતું. ખેરાલુ બેઠક પર 2017માં પેટા ચૂંટણીમાં જીતનારા અજમલજી ઠાકોરની પણ ટિકિટ કપાઈ છે.
વડોદરાની માંજલપુર બેઠક પર હજુ નામ જાહેર થવાનું બાકી
ભાજપ હજુ પણ માંજલપુર બેઠકનો ઉમેદવાર જાહેર કરી શકી નથી. જ્યાં વર્તમાન ધારાસભ્ય યોગેશ પટેલ ટિકિટ કપાવવાની સંભાવના હોવાને પગલે નારાજ ચાલી રહી છે.
