બોલિવૂડ અભિનેતા અક્ષય કુમારની ફિલ્મ ‘બચ્ચન પાંડે’નું ટ્રેલર રિલીઝ, અક્ષયનો ખૂંખાર અવતાર, ક્રિતી-અરશદની દેખાશે જુગલબંધી
નમસ્કાર ગુજરાત ન્યૂઝ
જેની આતુરતાપૂર્વક રાહ જોવાઇ રહી હતી તે ફિલ્મ બચ્ચન પાંડે ફિલ્મનું ટ્રેલર રિલીઝ થયું છે. ગણતરીના કલાકોમાં જ ટ્રેલરને 5 મિલિયનથી વધુ વ્યૂઝ મળ્યા હતા. પોસ્ટરની જેમ જ ટ્રેલરમાં પણ અક્ષયનું ખતરનાક સ્વરૂપ જોવા મળી રહ્યું છે. અક્ષય કુમાર લોહીની હોળી રમતો જોવા મળી રહ્યો છે.
અક્ષય કુમારની આ ફિલ્મ 2022ની હોળીના અવસર પર સિનેમાઘરોમાં રિલીઝ થવા જઈ રહી છે. ફિલ્મનું ટ્રેલર જોયા બાદ ફેન્સની ઉત્તેજના વધી ગઈ છે. આ હોળી અક્ષય કુમાર કૃતિ સેનન, જેકલીન ફર્નાન્ડીઝ, અરશદ વારસી, પંકજ ત્રિપાઠી, પ્રતિક બબ્બર અને અભિમન્યુ સિંહ સાથે કરવાના છે.
ઉલ્લેખનીય છે કે, નડિયાદવાલા ગ્રાન્ડસન એન્ટરટેઈનમેન્ટની ‘બચ્ચન પાંડે’ 18 માર્ચ, 2022ના રોજ સિનેમાઘરોમાં રિલીઝ થશે. હોળીના અવસર પર તમે આ ફિલ્મની મજા માણી શકશો. અક્ષય કુમારની ‘બચ્ચન પાંડે’ ફરહાદ સામજીએ ડિરેક્ટ કરી છે. આ પહેલા અક્ષય અને ફરહાદ ‘એન્ટરટેનમેન્ટ’, ‘હાઉસફુલ 3’ અને ‘હાઉસફુલ 4’માં સાથે કામ કરી ચૂક્યા છે.
