1,000 ગેરકાયદેસર પ્રોટેક્શન વિઝા અરજીઓ દાખલ કરવા બદલ વિદેશી એજન્ટના વિઝા રદ કર્યા, ગેરકાયદેસર પ્રોટેક્શન વિઝા એપ્લિકેશન માટે મોટી રકમ પણ એજન્ટોએ વસૂલી
ઓસ્ટ્રેલિયાના ગૃહ વિભાગે ગેરકાયદેસર ઇમિગ્રેશન સહાય પૂરી પાડતા વિદેશી નાગરિકનો વિઝા રદ કર્યો છે. આ વ્યક્તિએ 1,000 થી વધુ વિઝા અરજદારો પાસેથી મોટો ચાર્જ વસૂલ્યો હતો અને તેમને અયોગ્ય હોવા છતાં પ્રોટેક્શન વિઝા માટે અરજી કરવા પ્રોત્સાહિત કર્યા હતા.
આ ગેરકાયદેસર પ્રવૃત્તિને કારણે સાચા આશ્રય શોધનારાઓ માટે વિઝા પ્રક્રિયામાં મોટા વિલંબ થયા હતા. ઓસ્ટ્રેલિયન કાયદા મુજબ, ફી માટે ઇમિગ્રેશન સહાય માત્ર નોંધાયેલા સ્થળાંતર એજન્ટો અથવા કાનૂની પ્રેક્ટિશનરો દ્વારા જ આપી શકાય છે.
પ્રોટેક્શન વિઝા માટે નિયમો
પ્રોટેક્શન વિઝા (સબક્લાસ 866) તે લોકોને માટે છે જેઓ પોતાના દેશમાં સતાવણી અથવા નુકસાનનો ભય અનુભવતા હોય છે. આ વિઝા તેઓ માટે નથી કે જે માત્ર કામ કરવા માટે ઓસ્ટ્રેલિયામાં રહેવું ઇચ્છે છે. અરજદારો પાસે માન્ય વિઝા હોવું અને કડક માપદંડો પૂરાં કરવા જરૂરી છે.
પ્રોટેક્શન વિઝા અરજી પ્રક્રિયામાં સુધારા થતા, પાત્ર અરજદારો માટે ઝડપી મંજૂરી અને અયોગ્ય અરજદારો માટે ઝડપી નકારી કાઢવામાં મદદ મળી છે. હાલ 85%થી વધુ અરજીઓ અયોગ્ય હોવાને કારણે નકારી કાઢવામાં આવે છે.
ખોટા દાવાઓ કરીને અરજી કરવાથી ગંભીર પરિણામો આવી શકે છે, જેમાં વિઝા નકારી પાડવાનો આજીવન રેકોર્ડ, ભવિષ્યના વિઝા માટેની મુશ્કેલીઓ, અટકાયત, અને ઓસ્ટ્રેલિયાથી નિકાલનો સમાવેશ થાય છે. ખોટી માહિતી આપવા માટે દંડ અથવા 10 વર્ષ સુધીની જેલની સજા થઇ શકે છે.
આ પ્રકારની મુશ્કેલી ટાળવા માટે માત્ર સત્તાધિકૃત પ્રોફેશનલ્સ પાસેથી જ સલાહ લેવાની ભલામણ કરવામાં આવે છે.
