ભારતની દાળની અછતને પહોંચી વળવા ઓસ્ટ્રેલિયાએ હાથ લંબાવ્યો, જૂના કરારો હેઠળ ફરીથી દાળની ખેતીનું કામ શરૂ કરાયું
ઓસ્ટ્રેલિયાના ખેડુતો ભારત માટે અડદની દાળનું જે ઉત્પાદન કરે તે ભારત ખરીદી લેશે
નમસ્કાર ગુજરાત ન્યૂઝ. બ્રિસબેન
ભારતના ખાદ્ય મંત્રાલયના અધિકારીઓ, ભારતીય કઠોળ અને અનાજ સંઘ (IPGA)ના પ્રતિનિધિઓ અને ઓસ્ટ્રેલિયાના કૃષિ પ્રધાન મુરે વોટ વચ્ચે બેઠક યોજાઈ હતી. અહેવાલો અનુસાર, લગભગ સહમત છે કે IPGA ઓસ્ટ્રેલિયાના ક્વીન્સલેન્ડમાં તુવેર તથા અડદની ખેતીમાં મદદ કરશે. આ કામ ઓસ્ટ્રેલિયાના પલ્સ બિઝનેસ એસોસિએશન દ્વારા કરવામાં આવશે.
IPGA કમિટીના એક્ઝિક્યુટિવ મેમ્બર સતીશ ઉપાધ્યાય કહે છે કે 2019માં ઓસ્ટ્રેલિયાની અંદર તુવેરની ખેતી કરવામાં આવી હતી. તે અરહરની ગુણવત્તા પણ સારી હતી, જોકે પાછળથી વધુ કામ આગળ વધી શક્યું ન હતું, કારણ કે તેઓ ભારતમાં તેની યોગ્ય કિંમત મેળવી શક્યા ન હતા. હવે તે ઓસ્ટ્રેલિયા માટે નફાકારક સોદો બની શકે છે, કારણ કે ભારત અને ઓસ્ટ્રેલિયા વચ્ચે મુક્ત વેપાર કરાર છે. બીજું, ભારતે હવે ઓસ્ટ્રેલિયાથી કાબુલી ચણાની આયાત સંપૂર્ણપણે બંધ કરી દીધી છે. આવી સ્થિતિમાં ઓસ્ટ્રેલિયા મોટા પાયે અડદ દાળની ખેતી કરી શકે છે. ભારતને પણ આનો ફાયદો થશે, દેશમાં અરહર દાળની અછતને પૂરી કરવામાં આવશે, તેનાથી દાળના ભાવને નિયંત્રિત કરવામાં મદદ મળશે અને ઓસ્ટ્રેલિયા તરફથી નિશ્ચિત સપ્લાય સુનિશ્ચિત કરવામાં આવશે.
હવે ભારતીયોનો આ ‘દાલ તડકા’ અને ‘સંભાર’ ઓસ્ટ્રેલિયા અને બ્રાઝિલના સ્વાદથી રંગાઇ જસે તેમાં શંકાને કોઇ સ્થાન નથી.જ્યારે ઓસ્ટ્રેલિયા ભારતીયોની આ ખાસ પસંદગી માટે મોટા પાયે ફેરફારો કરવા જઈ રહ્યું છે, ત્યારે ઓસ્ટ્રેલિયા અને બ્રાઝિલમાં કંઈક એવું થવાનું છે જે પહેલાં ક્યારેય બન્યું નથી? ભારતમાં અરહર દાળનું ઉત્પાદન માંગની સરખામણીએ ઘણું ઓછું છે. તેથી જ ભારતે મ્યાનમાર અને દક્ષિણ પૂર્વ એશિયાના દેશોના પાક પર નિર્ભર રહેવું પડે છે. પરંતુ હવે ભારતમાં તુવેર દાળના આટલા મોટા બજારને જોતા ઓસ્ટ્રેલિયા અને બ્રાઝિલ તુવેર દાળનું ઉત્પાદન કરવા જઈ રહ્યા છે. ભારત પોતે આમાં તેમની મદદ કરી રહ્યું છે. અગાઉ ઓસ્ટ્રેલિયામાં 2019માં અડદની દાળનો પાક લેવાનો પ્રયાસ થયો તે સફળ પણ રહ્યો હતો પણ દાળના ભારતમાં પુરતા ભાવમાં નહી મળતા તેઓએ દાળ ઉત્પાદન છોડી દીધું હતું.
ભારતમાં અડદની માંગ અને પુરવઠા વચ્ચે સામાન્ય રીતે 1.5 મિલિયન ટનનો તફાવત છે. સરકાર સતત આયાત દ્વારા આ તફાવતને દૂર કરવાનો પ્રયાસ કરે છે. હવામાન પરિસ્થિતિઓ અનુસાર, માંગ અને પુરવઠા વચ્ચેનો આ તફાવત ઉપર અને નીચે જઈ શકે છે. જોકે હવે ઓસ્ટ્રેલિયા મદદ કરે તો ભારતની આ ઘટ ઓછી જરૂર થઇ શકે છે.
આ ઉપરાંત યુગાન્ડા અને મલાવી જેવા દેશો પણ ભારત માટે અડદ દાળના પાક લેવાનું શરૂ કર્યુ છે તો બ્રાઝીલ પણ ભારતને 20000 ટન અડદ દાળ વેચશે. વિશ્વમાં દાળના ઉત્પાદન તથા વપરાશમાં ભારત નંબર વન છે તો આયાતમાં પણ પ્રથમ ક્રમે છે. ભારતમાં માંગ-પુરવઠા વચ્ચે 17 લાખ ટનની ખાધ છે અને તે આયાતથી જ પુરી થઈ શકશે.
