ઓસ્ટ્રેલિયન બ્યુરો ઓફ સ્ટેટિસ્ટિક્સ અનુસાર, ઘરે ગુજરાતી બોલતા હોય તેવા લોકોની સંખ્યામાં પણ જોરદાર વધારો થયો. વસતી મામલે ઓસ્ટ્રેલિયા અને ઈંગ્લેન્ડ પછી ભારત ચીન અને ન્યુઝીલેન્ડને પાછળ છોડીને ત્રીજા નંબરનો સૌથી મોટો દેશ બન્યો
કેતન જોષી નમસ્કાર ગુજરાત ન્યૂઝ
સોમવારે જારી કરાયેલ ઓસ્ટ્રેલિયન બ્યુરો ઓફ સ્ટેટિસ્ટિક્સ ડેટા (Australia census 2021) અનુસાર ભારત ઓસ્ટ્રેલિયામાં ઈંગ્લેન્ડ પછી હવે ચીન અને ન્યુઝીલેન્ડને પાછળ છોડીને ત્રીજો સૌથી વધુ નાગરીક ધરાવતો દેશ બની ગયો છે. તાજેતરની વસ્તી ગણતરીમાં બહાર આવ્યું છે કે ભારતમાં (indian) જન્મેલા પરંતુ ઑસ્ટ્રેલિયામાં રહેતા લગભગ 220,000 માઇગ્રંટ્સ વધ્યા છે, જ્યારે અગાઉની વસ્તી ગણતરી હાથ ધરવામાં આવી હતી ત્યારે 2016માં 10 લાખથી વધુ લોકો ઓસ્ટ્રેલિયામાં સ્થળાંતરિત થયા હતા.
દર પાંચ વર્ષે થાય છે વસતી ગણતરી
વસ્તી ગણતરી દરમિયાન ઓસ્ટ્રેલિયન સત્તાવાળાઓ ઘરે ઘરે જઈને કેટલાક પ્રશ્નો પૂછતા હોય છે જેમાં તેઓ ઘરે કઈ ભાષા બોલી રહ્યા છો સમાવેશ થાય છે. ઑસ્ટ્રેલિયન સત્તાવાળાઓ દ્વારા પાંચ વર્ષમાં હાથ ધરવામાં આવે છે. વિશ્વભરમાં COVID-19 રોગચાળો વધુ ખરાબ થઈ રહ્યો હતો ત્યારે વસ્તી ગણતરી ઓગસ્ટ 2021 માં થઈ હતી. અન્ય ઘટસ્ફોટોમાં, ડેટા દર્શાવે છે કે લગભગ અડધા ઓસ્ટ્રેલિયનના માતાપિતા વિદેશમાં જન્મ્યા હતા અને હવે તેઓ ઓસ્ટ્રેલિયામાં વસવાટ કરી રહ્યા છે. નોંધનીય છે કે, 48.2% લોકોના માતાપિતા ઓસ્ટ્રેલિયામાં જન્મ્યા ન હતા. અત્રે નોંધનીય છે કે 2016માં વસ્તીગણતરીમાં જણાવાયું હતું કે 45.5% ઓસ્ટ્રેલિયનોમાં ઓછામાં ઓછા એક માતા કે પિતાનો જન્મ વિદેશમાં થયો હતો.
મીડિયા રિપોર્ટ અનુસાર, જન્મના દેશ વિશેના પ્રશ્ન ઉપરાંત, સર્વેમાં ઓસ્ટ્રેલિયનોને બે ‘પૂર્વજો’ સુધીની જાણ કરવા માટે કહેવામાં આવ્યું હતું. 33% લોકો સાથે અંગ્રેજી સૌથી સામાન્ય વંશ રહ્યું, જે પછી ઓસ્ટ્રેલિયન – 29.9%, આઇરિશ – 9.5%, સ્કોટિશ – 8.6% અને ચાઇનીઝ – 5.5%.
81000થી વધુ લોકો ઘરે ગુજરાતી બોલે છે
ઓસ્ટ્રેલિયા ની વસ્તી ગણતરી દરમિયાન ગુજરાતીઓ માટે પણ હરખ થાય તેવા સમાચાર મળી રહ્યા છે. કારણ કે ઓસ્ટ્રેલિયામાં રહેતા હોવા છતાં પણ પોતાની માતૃભાષા ગુજરાતી બોલવાનું છોડ્યું નથી. ગણતરીમાં 81 હજારથી વધુ લોકો જેઓ છેલ્લા ઘણા સમયથી ઓસ્ટ્રેલિયામાં રહે છે છતાં પણ પોતાના ઘરે ગુજરાતીમાં વાતચીત કરે છે. 2016માં જ્યારે વસ્તી ગણતરી હાથ ધરવામાં આવી હતી ત્યારે આ સંખ્યા 52000 હતી. આમ ઓસ્ટ્રેલિયામાં ગુજરાતી બોલતા હોય તેવા લોકોની સંખ્યામાં 29000 નો વધારો થયો છે.
ઘરમાં પંજાબી બોલતા લોકોમાં સૌથી મોટો વધારો
વધુમાં, ઑસ્ટ્રેલિયામાં પંજાબી-ભાષી લોકોમાં 2016 પછી સૌથી વધુ 80% નો વધારો જોવા મળ્યો છે. માત્ર 367,000થી વધુ ઑસ્ટ્રેલિયનો ઘરે ભારતીય મૂળની ભાષાનો ઉપયોગ કરી રહ્યા છે. નોંધનીય છે કે, 2021ની વસ્તી ગણતરીના ડેટામાં 250 થી વધુ પૂર્વજો અને 350 ભાષાઓની માહિતી એકત્રિત કરવામાં આવી હતી.
ઓસ્ટ્રેલિયામાં નેપાળીઓ બમણા થયા
સર્વેક્ષણમાં બહાર આવેલા અન્ય નોંધપાત્ર સ્થળાંતર વલણમાં, ઓસ્ટ્રેલિયામાં નેપાળની વસ્તીમાં અભૂતપૂર્વ વૃદ્ધિ જોવા મળી હતી. નેપાળમાં જન્મના દેશમાં બીજા ક્રમનો સૌથી મોટો વધારો થયો હતો, જેમાં વધારાના 67,752 લોકોની ગણતરી કરવામાં આવી હતી.
ઇંગ્લિશ બાદ ઘરે મેન્ડરીન સૌથી વધુ બોલાતી ભાષા
ભારત ચીનને પાછળ છોડીને ત્રીજા નંબરનો સૌથી મોટો જન્મ દેશ બનવા છતાં, મેન્ડરિન અંગ્રેજી સિવાય ઘરઆંગણે બોલાતી સૌથી સામાન્ય ભાષા બની રહી. લગભગ 700,000 લોકોએ ઘરે મેન્ડરિન બોલતા અહેવાલ આપ્યો હતો, ત્યારબાદ અરબી લગભગ 367,000 સાથે ત્રીજા સ્થાને છે.
