IND vs AUS Final: ટીમ ઈન્ડિયાને 254 રનનો ટાર્ગેટ હતો. પરંતુ ભારતીય ટીમ 43.5 ઓવરમાં 174 રન પર જ સિમિત રહી હતી. આ રીતે ટીમ ઈન્ડિયાને 79 રનથી હારનો સામનો કરવો પડ્યો હતો
ICC ટૂર્નામેન્ટની નોકઆઉટ મેચોમાં ટીમ ઈન્ડિયાની હારનો સિલસિલો યથાવત છે. હવે ભારતીય ટીમ અંડર-19 વર્લ્ડ કપની ફાઇનલમાં હારી ગઈ છે. તાજેતરમાં જ રોહિત શર્માની કપ્તાનીવાળી સિનિયર ટીમ વનડે વર્લ્ડ કપની ફાઇનલમાં હારી ગઈ હતી. ઓસ્ટ્રેલિયાએ વનડે વર્લ્ડ કપની ફાઇનલમાં ટીમ ઇન્ડિયાને હરાવ્યું હતું. હવે ઓસ્ટ્રેલિયાએ અંડર-19 વર્લ્ડ કપ ફાઇનલમાં ટીમ ઇન્ડિયાનું સપનું તોડી નાખ્યું છે. આ રીતે ભારતીય ટીમ છઠ્ઠી વખત અંડર-19 વર્લ્ડ કપ ચેમ્પિયન બનવાનું ચૂકી ગઈ છે.
ઓસ્ટ્રેલિયાને 79 રનના વિશાળ માર્જિનથી હરાવ્યું
ટીમ ઈન્ડિયાને 254 રનનો ટાર્ગેટ મળ્યો હતો. પરંતુ ભારતીય ટીમ 43.5 ઓવરમાં 174 રન પર જ સિમિત રહી હતી. આ રીતે ટીમ ઈન્ડિયાને 79 રનથી હારનો સામનો કરવો પડ્યો હતો. ઓસ્ટ્રેલિયાના 253 રનના જવાબમાં ભારતીય ટીમની શરૂઆત ખરાબ રહી હતી. ભારતને પહેલો ફટકો 3 રનના સ્કોર પર લાગ્યો હતો. અર્શિન કુલકર્ણી 3 રન બનાવીને વોકઆઉટ થયો હતો. આ પછી વિકેટ પડવાનો સિલસિલો ચાલુ રહ્યો. ભારતના ટોપ-6 બેટ્સમેનો 91 રન બનાવીને પેવેલિયન ગયા હતા.
ટીમ ઈન્ડિયાના બેટ્સમેનોનો ફ્લોપ શો
મુશીર ખાન, ઉદય સહારન, સચિન દાસ અને પ્રિયાંશુ મૌલિયા જેવા બેટ્સમેનોએ નિરાશ કર્યા હતા. વાસ્તવમાં ટીમ ઈન્ડિયાના બેટ્સમેનો સતત પેવેલિયન પરત ફરતા રહ્યા. આથી ભારતીય ટીમનો 79 રને પરાજય થયો હતો. ભારત માટે આદર્શ સિંહે 77 બોલમાં સૌથી વધુ 47 રન બનાવ્યા હતા.
ઓસ્ટ્રેલિયા તરફથી મેહેલ બીર્ડમેન અને રાફે મેકમિલન સૌથી સફળ બોલર હતા. મેહેલ બીર્ડમેન અને રાફે મેકમિલનને 3-3 સફળતા મળી હતી. કેલમ વાઈલ્ડરે 2 વિકેટ લીધી હતી. ચાર્લી એન્ડરસન અને ટોમ સ્ટ્રેકરે 1-1 બેટ્સમેનોને આઉટ કર્યા હતા.
ઓસ્ટ્રેલિયાએ 253 રન બનાવ્યા હતા
આ પહેલા ઓસ્ટ્રેલિયાના કેપ્ટન હ્યુગ વિબગેને ટોસ જીતીને બેટિંગ કરવાનો નિર્ણય લીધો હતો. ટોસ જીતીને પ્રથમ બેટિંગ કરવા આવેલી ઓસ્ટ્રેલિયાએ 50 ઓવરમાં 7 વિકેટે 253 રન બનાવ્યા હતા. ઓસ્ટ્રેલિયા તરફથી હરજસ સિંહે સૌથી વધુ રન બનાવ્યા હતા. હરજસ સિંહે 64 બોલમાં 55 રન બનાવ્યા હતા. હ્યુજ વિબજેને 66 બોલમાં 48 રનનું યોગદાન આપ્યું હતું. આ સિવાય ઓલિવર પીકે છેલ્લી ઓવરોમાં 43 બોલમાં 46 રન બનાવ્યા હતા.
ભારત તરફથી રાજ લિંબાણી સૌથી સફળ બોલર રહ્યો હતો. રાજ લિંબાણીએ 10 ઓવરમાં 38 રન આપીને 3 બેટ્સમેનોને આઉટ કર્યા હતા. નમન તિવારીને 2 સફળતા મળી. આ સિવાય સૌમી પાંડે અને મુશીર ખાને 1-1 કાંગારુ બેટ્સમેનને આઉટ કર્યા હતા.
સતત 6 મેચ જીત્યા, પણ ફાઈનલ ચૂકી ગયા…
જોકે, ટીમ ઈન્ડિયાએ આ ટૂર્નામેન્ટમાં શાનદાર પ્રદર્શન કર્યું હતું. ભારતીય ટીમે તેના વર્લ્ડ કપ અભિયાનની શરૂઆત બાંગ્લાદેશ સામે કરી હતી. ભારતે બાંગ્લાદેશ ઉપરાંત આયર્લેન્ડ, અમેરિકા, ન્યુઝીલેન્ડ, નેપાળ અને દક્ષિણ આફ્રિકાને હરાવ્યા હતા. આ રીતે ટીમ ઈન્ડિયાએ સતત 6 મેચ જીતી હતી, પરંતુ ફાઇનલમાં તેને હારનો સામનો કરવો પડ્યો હતો.
