આજનો દિવસ ભારતના ઇતિહાસમાં સુવર્ણ અક્ષરોમાં અંકિત થવા જઇ રહ્યો છે આજે અયોધ્યામાં ભગવાન શ્રી રામ મંદિર પ્રાણ પ્રતિષ્ઠાનો ભવ્ય કાર્યક્રમ થવા જઈ રહ્યો છે.
500 વર્ષ બાદ શ્રીરામ લલ્લા નીજ મંદિરમાં બિરાજમાન થઇ રહ્યા છે.
આ પાવન અવસરે દેશ-વિદેશના અનેક મહેમાનો અયોધ્યા પહોંચી ગયા છે. સંઘ પ્રમુખ મોહન ભાગવત, પૂર્વ રાષ્ટ્રપતિ રામનાથ કોવિંદ, પૂર્વ ઉપ રાષ્ટ્રપતિ વેંકૈયા નાયડૂ, મુકેશ-નીતા અંબાણી, ગૌતમ અદાણી, અમિતાભ બચ્ચન, રજનીકાંત પહોંચ્યા છે.
મહેમાનોએ 10:30 વાગ્યા સુધીમાં રામજન્મભૂમિ સંકુલમાં પ્રવેશ કરવો પડશે. શ્રી રામ જન્મભૂમિ તીર્થ ક્ષેત્રે કહ્યું કે પ્રવેશ ફક્ત તેના દ્વારા જારી કરાયેલ કાર્ડ દ્વારા જ શક્ય છે. મુલાકાતીઓ ફક્ત આમંત્રણ કાર્ડ દ્વારા પ્રવેશ કરી શકશે નહીં.
એન્ટ્રી કાર્ડ પરના QR કોડ સાથે મેચ થયા પછી જ પરિસરમાં પ્રવેશ મળશે. ટ્રસ્ટે સોશિયલ મીડિયા પર એન્ટ્રીનો ડ્રાફ્ટ પણ શેર કર્યો છે.
22 જાન્યુઆરીએ અયોધ્યામાં પ્રાણપ્રતિષ્ઠા સમારોહમાં દેશભરમાંથી 900 VIP અને 60 VVIP હાજરી આપશે. VVIPના 60 ચાર્ટર્ડ પ્લેન અયોધ્યાના નવા એરપોર્ટ પર ઉતરશે. VVIPને અહીં ઉતાર્યા બાદ પ્લેનને 1000 કિલોમીટરની રેન્જમાં અન્ય એરપોર્ટ પર પાર્ક કરવામાં આવશે. કારણ કે, અયોધ્યામાં માત્ર 8 પ્લેન જ પાર્ક થઈ શકે છે.
પ્રાણપ્રતિષ્ઠાના દિવસે 5 રાજ્યોના 12 એરપોર્ટ પર પાર્કિંગ માટે પાર્કિંગ રિઝર્વ કરવામાં આવ્યું છે. જેમાં યુપી, બિહાર, ઝારખંડ, મધ્યપ્રદેશ, ઉત્તરાખંડનો સમાવેશ થાય છે.
દેશના પીએમ નરેન્દ્ર મોદી સવારે 10 વાગીને 20 મિનિટ પર અયોધ્યા પહોંચશે.
સોમવારે સવારે સમારોહની શરૂઆત મંગળ ધ્વનિ સાથે થઇ ચુકી છે.
વિવિધ રાજ્યોથી આવેલા 50થી વધારે વાદ્યયંત્ર સવારથી તેમની કૃતિઓ રજુ કરી રહયા છે.
આજે અયોધ્યામાં શ્રી રામ મંદિરમાં રામલલ્લાની પ્રાણપ્રતિષ્ઠા માટે 84 સેકેન્ડનું મુહૂર્ત છે, શુભ મુહૂર્તનો આ સમયગાળો માત્ર 84 સેકેન્ડનો છે.
12 વાગીને 29 મિનિટ 8 સેકેન્ડથી શરૂ થશે અને 12 વાગીને 30 મિનિટ 32 સેકેન્ડ સુધી રહેશે.
પ્રાણપ્રતિષ્ઠા પછી વડાપ્રધાન નરેન્દ્ર મોદી મંદિર બનાવનાર શ્રમિકો સાથે મુલાકાત કરશે. કુબેર ટીલા જઇને ભગવાન શિવનું પૂજન કરશે. સાંજે દીપ પ્રગટાવીને દેશભરમાં ફરી દીવાળી ઊજવવામાં આવશે.
અત્રે નોંધનીય છે કે અયોધ્યામાં 16 જાન્યુઆરીથી શરૂ થયેલી પ્રાણપ્રતિષ્ઠા વિધિનો ગતરોજ રવિવાર 21 જાન્યુઆરીએ છઠ્ઠો દિવસ હતો. પ્રાણપ્રતિષ્ઠા માટે છ દિવસથી ચાલી રહેલી ધાર્મિક વિધિ સંપન્ન થઈ. હવે આજે 22 જાન્યુઆરીએ વડાપ્રધાન નરેન્દ્ર મોદીની હાજરીમાં પ્રાણપ્રતિષ્ઠાની મુખ્ય પૂજા થશે.
ગતરોજ રવિવારે સાંજે રામલલ્લાની જૂની મૂર્તિ (રામલલ્લા બિરાજમાન, જેમની પૂજા થઈ રહી છે) શ્રી રામ મંદિરમાં લઈ જવામાં આવી. રામલલ્લાની સાથે તેમના ત્રણ ભાઈઓ હનુમાનજી અને શાલિગ્રામ પણ નવા મંદિરમાં પહોંચ્યા હતા.
સહાયક પૂજારી સંતોષ તિવારી, પૂજારી પ્રેમચંદ તિવારી રામલલ્લાને તેમના અસ્થાયી મંદિરમાંથી જન્મભૂમિ મંદિરમાં લઈ ગયા હતા.
અહીં તેમને સિંહાસન પર બિરાજમાન કર્યા હતા.
આજે રામલલ્લાની અભિષેક વિધિ પૂર્ણ થયા બાદ ‘રામ જ્યોતિ’ પ્રગટાવીને દિવાળીની ઉજવણી કરવામાં આવશે.
અયોધ્યા સાંજે 10 લાખ દીવાઓથી ઝળહળી ઉઠશે. આ સાથે ઘરો, દુકાનો, સંસ્થાનો અને પૌરાણિક સ્થળો પર ‘રામ જ્યોતિ’ પ્રગટાવવામાં આવશે. સરયૂ નદીના કિનારે માટીમાંથી બનાવેલા દીવાઓથી અયોધ્યાને પ્રકાશિત કરવામાં આવશે. રામલલા, કનક ભવન, હનુમાનગઢી, ગુપ્તરઘાટ, સરયુ બીચ, લતા મંગેશકર ચોક, મણિરામ દાસ છાવણી સહિત 100 મંદિરો, મુખ્ય આંતરછેદો અને જાહેર સ્થળો પર દીવા પ્રગટાવવામાં આવશે.
PM મોદી સોમવારે અયોધ્યામાં ચાર કલાક રોકાશે. સવારે 10:25 વાગ્યે અયોધ્યા એરપોર્ટ અને 10:55 વાગ્યે રામ જન્મભૂમિ પહોંચશે. પ્રાણ પ્રતિષ્ઠા સમારોહમાં હાજરી આપ્યા બાદ તેઓ 1 વાગ્યે રવાના થશે અને સભાને સંબોધશે. 2:10 વાગ્યે કુબેર ટીલાના દર્શન કરીને દિલ્હી પરત ફરશે.
