અનુષ્કા શર્મા અને વિરાટ કોહલી બીજી વખત માતા-પિતા બન્યા, પોસ્ટ કરીને પુત્ર જન્મની આપી જાણકારી

અનુષ્કા શર્મા અને વિરાટ કોહલીએ પુત્રનું નામ અકાય રાખ્યું

અનુષ્કા શર્મા અને વિરાટ કોહલી બીજી વખત માતા-પિતા બન્યા છે. અભિનેત્રીએ પુત્રને જન્મ આપ્યો છે. અનુષ્કાએ ખુદ ઈન્સ્ટાગ્રામ પર આ જાણકારી આપી છે. અભિનેત્રીએ જણાવ્યું કે તેણે 15 ફેબ્રુઆરીએ તેના બીજા બાળકનું સ્વાગત કર્યું છે. અનુષ્કાએ પોસ્ટમાં તેના પુત્રનું નામ પણ જાહેર કર્યું છે.

અનુષ્કા શર્માએ પોસ્ટમાં લખ્યું- ‘આનંદ અને પ્રેમથી ભરેલા હૃદય સાથે, અમને બધાને જણાવતા આનંદ થાય છે કે 15 ફેબ્રુઆરીએ, અમે અમારા બાળક અકાય અને વામિકાના નાના ભાઈનું આ દુનિયામાં સ્વાગત કર્યું! અમારા જીવનના આ સુંદર તબક્કામાં અમે તમારી પ્રાર્થના અને શુભેચ્છાઓ માંગીએ છીએ. અમે તમને વિનંતી કરીએ છીએ કે કૃપા કરીને આ સમયે અમારી ગોપનીયતાનો આદર કરો. પ્રેમ અને કૃતજ્ઞતા.

શું થાય અકાયનો અર્થ?

અકાયનો અર્થ ખૂબ સુંદર. અકાય એટલે ચમકતો ચંદ્ર.

એબી ડી વિલિયર્સે આ સમાચારની પુષ્ટિ કરી હતી
યુટ્યુબ લાઈવમાં એબી ડી વિલિયર્સે કહ્યું હતું કે, ‘હા, તેનું બીજું બાળક આવવાનું છે. આ પારિવારિક સમય છે. જોકે, બાદમાં ડી વિલિયર્સે પોતાનું નિવેદન પાછું ખેંચ્યું હતું અને કહ્યું હતું કે તેણે લાઈવ વીડિયોમાં ખોટી માહિતી આપી હતી.

દંપતીએ પુત્રનું નામ રાખ્યું ‘અકાય’
હવે અનુષ્કા શર્માએ પોતે પુષ્ટિ કરી છે કે તે એક પુત્રની માતા બની છે અને તેની પુત્રી વામિકાને એક નાનો ભાઈ મળ્યો છે જેનું નામ તેણે ‘અકાય’ રાખ્યું છે.