વિદેશોમાં પણ ભારતની લોકસભાની ચૂંટણીઓ મામલે ભારે ઉત્સુકતા જોવા મળી રહી છે અને મોદી સમર્થકો દ્વારા વિદેશમાં પણ અનેકવિધ કાર્યક્રમો યોજી મૂળ ભારતીય પરિવારો મોદીજીને વોટ આપવા અપીલ કરી રહયા છે ત્યારે કેલિફોર્નિયાના લોસએન્જલસ ના હોલિવુડ કોનાર્ક થિએટર્સ ખાતે મૂળ ભારતીય ભાજપ સમર્થકો દ્વારા એક કાર્યક્રમનું આયોજન કર્યું હતુ જેમાં ભાજપ ‘અબકી બાર 400 પાર’નો નારો અપાયો હતો.
અમેરિકામાં વસતા મૂળ ભારતીયો દ્વારા ઓવરસીઝ ફ્રેન્ડ્સ ઓફ ભાજપના બેનર હેઠળ અમેરિકાના વિવિધ શહરોમાં ભાજપના સમર્થનમાં રેલી અને સભા યોજી રહ્યા છે અને વડાપ્રધાન મોદી ફરી દેશના વડાપ્રધાન બને તે માટે ભાજપને મત આપવા અપીલ કરી રહ્યા છે.