વધુ પડતા ખર્ચને પગલે ઓસ્ટ્રેલિયા ગેમ્સની મેગા ઈવેન્ટમાંથી ખસી ગયું, ઓલિમ્પિકના દાવા પહેલા અમદાવાદ કોમનવેલ્થ પર હાથ અજમાવે તેવી શક્યતા
કોમનવેલ્થ ગેમ્સ 2026નું આયોજન અમદાવાદમાં થઇ શકે છે કારણ કે ઓસ્ટ્રેલિયાના વિક્ટોરિયા રાજ્યએ કોમનવેલ્થ ગેમ્સ 2026 નું આયોજનમાંથી ખસી જવાનો નિર્ણય કર્યો છે જેથી ગુજરાત સરકાર યજમાની કરે તેવી શક્યતા છે. વિક્ટોરિયા રાજ્ય 2026 કોમનવેલ્થ ગેમ્સનું આયોજન કરવામાં રસ ધરાવતું નથી કારણ કે અંદાજિત ખર્ચમાં વધારો થયો છે. વિક્ટોરિયન પ્રીમિયર ડેનિયલ એન્ડ્રુઝે કહ્યું કે તેમની સરકાર ગયા વર્ષે ટૂર્નામેન્ટનું આયોજન કરવા માટે સંમત થઈ હતી ‘પરંતુ હવે કોઈપણ કિંમતે યજમાની નહીં કરે’. બીજી તરફ, હવે એવું માનવામાં આવે છે કે ભારત તેની યજમાની પર દાવ લગાવશે અને તે અમદાવાદમાં યોજવામાં આવી શકે છે.
2036 ઓલિમ્પિકની તૈયારીમાં અમદાવાદ કોમનવેલ્થ પર પણ હાથ અજમાવશે
ગુજરાત સરકારે 2036 ઓલિમ્પિક ગેમ્સની યજમાની કરવા માટે અમદાવાદમાં ઈન્ફ્રાસ્ટ્રક્ચર બનાવવાનું શરૂ કર્યું છે. રાજ્ય સરકારના સૂત્રોએ સંકેત આપ્યો છે કે તે 2026 કોમનવેલ્થ ગેમ્સની યજમાની માટે અમદાવાદ માટે બિડ કરી શકે છે. ગુજરાત સરકારના સૂત્રોએ જણાવ્યું હતું કે તે 2030 કોમનવેલ્થ ગેમ્સ માટે અમદાવાદને બિડ કરવા માટે તૈયાર કરી રહી છે, પરંતુ હવે 2026 તરફ જોઈ રહી છે. આશા છે કે કેન્દ્ર સરકાર તેમને સમર્થન આપશે.
તાજેતરમાં, ઑસ્ટ્રેલિયા સ્થિત બિઝનેસ પ્લાનિંગ કન્સલ્ટન્સી પોપ્યુલસને ઑલિમ્પિક્સ માટે અમદાવાદની બિડ માટે માસ્ટર-પ્લાન તૈયાર કરવા માટે હાયર કરવામાં આવી હતી. સરદાર વલ્લભભાઈ પટેલ સ્પોર્ટ્સ એન્ક્લેવને વિવિધ ઓલિમ્પિક રમતો રમવા માટેની સુવિધાઓ સાથે વિકસાવવામાં આવશે, કારણ કે અમદાવાદ 2036 ઓલિમ્પિકની યજમાની કરવા માંગે છે.
કોમનવેલ્થ 5 શહેરોમાં યોજાવાની હતી, ખર્ચ વધ્યો અને પછી યજમાની જતી કરી
એન્ડ્રુઝે જણાવ્યું હતું કે તેમની સરકારે શરૂઆતમાં પાંચ શહેરોમાં ગેમ્સનું આયોજન કરવા માટે 2.6 બિલિયન ઓસ્ટ્રેલિયન ડોલર (1.8 બિલિયન યુએસ ડોલર)નું બજેટ રાખ્યું હતું, પરંતુ તાજેતરના અંદાજોએ સંભવિત ખર્ચ 7 બિલિયન ઓસ્ટ્રેલિયન ડોલર (4.8 બિલિયન યુએસ ડોલર) 800 મિલિયન યુએસ ડોલર) રાખ્યો હતો. એન્ડ્રુઝે કહ્યું કે તેણે કોમનવેલ્થ ગેમ્સના આયોજકોને હોસ્ટિંગ કોન્ટ્રાક્ટમાંથી ખસી જવાના તેમની સરકારના નિર્ણયની જાણ કરી હતી.
12 દિવસની રમતમાં 6-7 બિલિયન ઓસ્ટ્રેલિયન ડોલર ખર્ચવાના હતા
એન્ડ્રુઝે કહ્યું હતું કે, ‘આજે ખર્ચના અંદાજમાં ખામી શોધવાનો સમય નથી. 12-દિવસીય સ્પોર્ટિંગ ઈવેન્ટ માટે 6 થી 7 બિલિયન ઓસ્ટ્રેલિયન ડોલર, અમે આ કરવા હવે તૈયાર નથી. આ પૈસા ખર્ચવાનો કોઈ અર્થ નથી, તે માત્ર ખર્ચ છે અને કોઈ ફાયદો હાલ જણાઇ રહ્યો નથી,’ કોમનવેલ્થ ગેમ્સ ફેડરેશન (CGF) એ એક નિવેદનમાં જણાવ્યું હતું. તેઓ તેમના વિકલ્પો અંગે સલાહ માંગી રહ્યા છે. ત્યારે હવે જોઇએ છીએ કે રાજ્ય સરકાર કોમનવેલ્થ ગેમ્સ આયોજકોનો સંપર્ક કરે છે કે નહીં.
….એટલા માટે ઓસ્ટ્રેલિયાના ખર્ચમાં વધારો થયો
CGF એ જણાવ્યું હતું કે અંદાજિત ખર્ચમાં વધારો મુખ્યત્વે પ્રાદેશિક, મલ્ટી-સિટી હોસ્ટ મોડલ અને વિક્ટોરિયન સરકારના સ્થળ યોજનામાં ફેરફાર કરવા અને વધુ રમતોનો સમાવેશ કરવાના નિર્ણયને કારણે થયો હતો. CGFના નિવેદનમાં કહેવામાં આવ્યું છે કે, ‘અમે નિરાશ છીએ કે અમને માત્ર 8 કલાકની નોટિસ આપવામાં આવી હતી અને સરકાર આ નિર્ણય પર પહોંચે તે પહેલાં સંયુક્ત રીતે ઉકેલ શોધવા માટે પરિસ્થિતિ પર ચર્ચા કરવા પર કોઈ વિચારણા કરવામાં આવી ન હતી.’ ગેમ્સ 17 થી 29 દરમિયાન યોજાવાની હતી. જીલોંગ, બેન્ડિગો, બલ્લારાત, ગિપ્સલેન્ડ અને શેપાર્ટન.
