અનુભવી વિકેટકીપર બેટ્સમેન એડમ ગિલક્રિસ્ટે આઈપીએલને એક મોટો ખતરો ગણાવ્યો. વાર્નર સહિત ઘણા ઓસ્ટ્રેલિયન ખેલાડી યુએઇ લીગમાં રમી શકે છે. IPLના વધતા કદ પર સવાલ ઉઠાવતા ગિલક્રિસ્ટે કહ્યું કે IPL લીગ હવે અન્ય લીગ માટે ખતરો
એડમ ગિલક્રિસ્ટ સહિત ઘણાં ખેલાડીઓ બિગ બેશના સ્થાને UAEમાં ટી20 લીગ રમે તેવી શક્યતા
નમસ્કાર ગુજરાત ન્યૂઝ.
અનુભવી વિકેટકીપર બેટ્સમેન એડમ ગિલક્રિસ્ટે આઈપીએલને એક મોટો ખતરો ગણાવ્યો છે. IPLના વધતા કદ પર સવાલ ઉઠાવતા ગિલક્રિસ્ટે કહ્યું કે આ લીગ હવે અન્ય લીગ માટે ખતરો બની રહી છે. ઓસ્ટ્રેલિયન બેટ્સમેન ડેવિડ વોર્નર પર આવી રહેલા સમાચારો બાદ ગિલક્રિસ્ટે આ નિવેદન આપ્યું છે. એવા અહેવાલો છે કે ડેવિડ વોર્નર આ સિઝનમાં બિગ બેશ લીગમાંથી બહાર થઈ શકે છે કારણ કે તે કદાચ UAE T20 લીગમાં રમશે. તમને જણાવી દઈએ કે IPLની ત્રણ ફ્રેન્ચાઈઝીએ UAE લીગમાં રોકાણ કર્યું છે.
UAE લીગ બિગ બેશ માટે ખતરો બની!
UAEમાં યોજાનારી લીગમાં મુંબઈ ઈન્ડિયન્સ, કોલકાતા નાઈટ રાઈડર્સ અને દિલ્હી કેપિટલ્સે રોકાણ કર્યું છે. જે બાદ વોર્નર અને અન્ય ઘણા મોટા ખેલાડીઓ તે લીગ તરફ વળી શકે છે. આ બિગ બેશ લીગને સીધું નુકસાન પહોંચાડી શકે છે. ગિલક્રિસ્ટે SENના રેડિયો કાર્યક્રમમાં કહ્યું, ‘ડેવિડ વોર્નરને BBLમાં રમવા માટે દબાણ કરી શકાય નહીં. હું આ સમજું છું. માત્ર વોર્નર જ નહીં, અન્ય ખેલાડીઓ પણ તે લીગમાં જોડાશે. આ વૈશ્વિક મંચ પર IPL ફ્રેન્ચાઇઝીઓનું વધતું વર્ચસ્વ છે, જેઓ CPLમાં ઘણી ટીમોની માલિકી ધરાવે છે.
ગિલક્રિસ્ટે ક્રિકેટ ઓસ્ટ્રેલિયાને આપી ચેતવણી
એડમ ગિલક્રિસ્ટે ક્રિકેટ ઓસ્ટ્રેલિયાને આ મામલે તપાસ કરવાની સલાહ આપી છે. કારણ કે અન્ય ઓસ્ટ્રેલિયન ક્રિકેટરો પણ વોર્નરના માર્ગને અનુસરી શકે છે. સ્વાભાવિક છે કે યુએઈમાં યોજાનારી ટી20 લીગમાં ખેલાડીઓને બિગ બેશ કરતા વધુ પૈસા મળશે અને તેઓ તેને પસંદ કરશે. ગિલક્રિસ્ટે કહ્યું, ‘જો ગિલક્રિસ્ટ કહે, માફ કરજો ઓસ્ટ્રેલિયન ક્રિકેટ, હું અલગ-અલગ ટૂર્નામેન્ટમાં મારી ભારતીય ફ્રેન્ચાઈઝી ટીમો માટે રમવાનો છું તો તમે તેને સવાલ ન કરી શકો, તે તેનો વિશેષાધિકાર છે.’ ઓસ્ટ્રેલિયા માટે 96 ટેસ્ટ અને 287 વનડે રમનાર ગિલક્રિસ્ટે મેચ, અગાઉ ડેક્કન ચાર્જર્સ અને કિંગ્સ ઇલેવન પંજાબ જેવી IPL ટીમો માટે રમી ચૂક્યો છે. ગિલક્રિસ્ટ ડેક્કન ચાર્જર્સના સુકાની હતા જ્યારે તેઓએ 2009માં IPL ટાઇટલ જીત્યું હતું.
