બોલીવુડની જાણીતી અભિનેત્રી રકુલ પ્રીત સિંહ અને અભિનેતા-નિર્માતા જેકી ભગનાની આજે લગ્નના બંધનમાં બંધાઈ ગયા છે.
બંનેએ પરિવાર અને નજીકના મિત્રોની હાજરીમાં ગોવામાં સાત ફેરા લીધા હતા.
રકુલ પ્રીત સિંહ અને જેકી ભગનાનીના લગ્નની તસવીરો પણ સામે આવી છે. અભિનેત્રીએ ઈન્સ્ટાગ્રામ એકાઉન્ટ પર શેર કરી છે,જેમાં તેણે લખ્યું કે ‘ મેરા હુઆ હંમેશા કે લિયે’
રકુલ પ્રીત સિંહ તેના વેડિંગ ડ્રેસમાં સુંદર લાગી રહી હતી, તો જેકી પણ રાજકુમાર જેવો લાગતો હતો.
જેકી અને રકુલ ખૂબ જ ખુશ દેખાતા હતા
ફેરા દરમિયાન રકુલ પ્રીત સિંહ અને જેકી ભગનાનીની ખુશી જોવા જેવી હતી, તસવીરો જોઈને ફેન્સ આપી રહયા છે અભિનંદન.
રકુલની માંગમાં જેકી સિંદૂર ભરે છે
જેકી ભગનાનીએ રકુલ પ્રીત સિંહની માંગ સિંદૂરથી ભરી તેને સાત જન્મો માટે પોતાની બનાવી દીધી.
આ દરમિયાન પણ રકુલ અને જેકી એકબીજાની આંખોમાં ખોવાયેલા જોવા મળ્યા હતા.
રકુલ અને જેકી ખૂબ જ ક્યૂટ લાગતા હતા
રકુલ પ્રીત સિંહ અને જેકી ભગનાની એકસાથે ક્યૂટ લાગતા હતા. તેમના લગ્નની તસવીરો જોઈને સામંથા રૂથ પ્રભુ, જેકલીન ફર્નાન્ડિસ અને વરુણ ધવન જેવા સ્ટાર્સ પણ તેમને અભિનંદન આપી રહ્યા છે.
રકુલ-જેકીની લવ સ્ટોરી લોકડાઉનમાં શરૂ થઈ હતી
તમને જણાવી દઈએ કે રકુલ પ્રીત સિંહ અને જેકી ભગનાનીની લવ સ્ટોરી લોકડાઉન દરમિયાન શરૂ થઈ હતી. બંને એકબીજાના પડોશી હતા, પહેલા તેમની વચ્ચે મિત્રતા હતી જે બાદમાં પ્રેમમાં પરિણમી હતી.
