એબીપી ન્યુઝ એક્ઝિટ પોલમાં કોંગ્રેસની કર્ણાટકમાં બનશે સરકાર
કર્ણાટકમાં વિધાનસભા ચૂંટણીનું બ્યુગલ વાગી ગયું છે. ચૂંટણી પંચે બુધવારે (29 માર્ચ) ચૂંટણીની તારીખોની જાહેરાત કરી છે. કર્ણાટકમાં 10 મેના રોજ એક તબક્કામાં મતદાન થશે અને 13 મેના રોજ ચૂંટણી પરિણામો જાહેર કરવામાં આવશે. કર્ણાટકમાં સત્તારૂઢ ભાજપ પુનરાગમન માટે તમામ પ્રયાસો કરી રહ્યું છે. છેલ્લા કેટલાક મહિનામાં પીએમ મોદી, કેન્દ્રીય ગૃહમંત્રી અમિત શાહ સહિત પાર્ટીના ઘણા દિગ્ગજ નેતાઓ કર્ણાટકના પ્રવાસે છે. કોંગ્રેસ અને જેડીએસ પણ રાજ્યમાં સત્તા કબજે કરવા માટે પૂરા જોશ સાથે મેદાનમાં છે.
કર્ણાટકમાં ભાજપ વાપસી કરશે કે કોંગ્રેસને તક મળશે કે પછી આ બંને વચ્ચે જેડીએસની લોટરી નીકળશે તે તો ચૂંટણીના પરિણામોના દિવસે જ ખબર પડશે. દરમિયાન, લોકોનો અભિપ્રાય જાણવા માટે, સી-વોટરે એબીપી ન્યૂઝ માટે ઓપિનિયન પોલ હાથ ધર્યો છે. આ ઓપિનિયન પોલમાં 24 હજાર 759 લોકોનો અભિપ્રાય લેવામાં આવ્યો છે. કર્ણાટકની તમામ સીટો પર ઓપિનિયન પોલ કરવામાં આવ્યા છે. ઓપિનિયન પોલમાં ભૂલનું માર્જીન પ્લસ માઈનસ 3 થી પ્લસ માઈનસ 5 ટકા છે.
ઓપિનિયન પોલમાં સૌથી મોટો પક્ષ કોણ?
સી વોટરએ ઓપિનિયન પોલમાં સવાલ પૂછ્યો હતો કે કર્ણાટક વિધાનસભા ચૂંટણીમાં કઈ પાર્ટીને કેટલી સીટો મળી શકે છે. આ પ્રશ્નના ખૂબ જ આશ્ચર્યજનક પરિણામો સામે આવ્યા છે. ઓપિનિયન પોલ અનુસાર કોંગ્રેસને કર્ણાટકમાં સૌથી વધુ સીટો મળવાની ધારણા છે. ઓપિનિયન પોલ અનુસાર કોંગ્રેસને 115-127 સીટો મળી રહી છે. બીજેપીને 68-80 સીટો જ્યારે જેડીએસને 23-35 સીટો મળી શકે છે. અન્યને 0-2 બેઠકો મળવાની ધારણા છે.
કર્ણાટકમાં કોને કેટલી સીટો મળે છે? (કુલ સીટ- 224)
ભાજપ 68-80
INC 115-127
જેડીએસ 23-35
અન્ય 0-2
કર્ણાટકમાં કોને કેટલો વોટ શેર મળ્યો?
ભાજપ 35%
કોંગ્રેસ 40%
JDS 18%
અન્ય 7%
