પૂંચ જિલ્લાના સુરનકોટ વિસ્તારમાં આતંકવાદીઓએ એરફોર્સના લશ્કરી વાહનો પર હુમલો કર્યો હતો.
આતંકવાદીઓ અંધાધૂંધ ગોળીબાર કરી ભાગી છૂટ્યા હતા.
આ આતંકી હુમલામાં એક જવાન શહીદ થયો હતો જ્યારે અન્ય ચાર જવાનો ઘાયલ થયા હતા.
કાર પર 14-15 ગોળીઓના નિશાન મળી આવ્યા હતા.
પૂંચ જિલ્લાના સુરનકોટ તહસીલના દન્ના શાહસિતાર વિસ્તારમાં શનિવારે સાંજે એરફોર્સના વાહનો પર થયેલા આતંકી હુમલા બાદ આતંકીઓની શોધખોળ શરૂ કરી સુરનકોટ અને મેંધરના 20 કિમી વિસ્તારને કોર્ડન કરી લેવામાં આવ્યો છે, ડ્રોનની પણ મદદ લેવામાં આવી રહી છે.
સુરક્ષા દળોએ મોટાપાયે સર્ચ ઓપરેશન શરૂ કર્યું છે. સેના, જમ્મુ-કાશ્મીર પોલીસ અને એસઓજીના એક હજારથી વધુ જવાનોએ આ વિસ્તારમાં પોઝીશન જાળવી રાખી છે. આતંકવાદીઓએ એરફોર્સના વાહનો પર હુમલો કર્યો છે. આતંકવાદીઓને ખતમ કરવા માટે સુરક્ષા દળોએ આધુનિક હથિયારો અને સાધનો સાથે સર્ચ ઓપરેશન હાથ ધર્યું છે.
આ સાથે જિલ્લાના પ્રવેશદ્વાર ભીમ્બર ગલીથી પુંછ સુધી અને જમ્મુ-પૂંચ રાષ્ટ્રીય ધોરીમાર્ગ પર વિશેષ ચેકપોઇન્ટ બનાવીને વાહનોની તપાસ કરવામાં આવી રહી છે. વાહનોમાં મુસાફરી કરી રહેલા લોકોને તેમના આઇડેન્ટિટી કાર્ડ ચેક કર્યા બાદ જ આગળ મોકલવામાં આવી રહ્યા છે. શનિવારની મોડી રાત સુધી ઓપરેશન ચાલુ રહ્યું હતું.
