હિંદુ મંદિરની દિવાલ પર પીએમ મોદી વિરુદ્ધ સૂત્રો લખવાની ઘટના
નમસ્કાર ગુજરાત ન્યુઝ
વડાપ્રધાન નરેન્દ્ર મોદીના ઓસ્ટ્રેલિયા પ્રવાસ પહેલા હિંદુ મંદિરની દિવાલ પર તેમના વિરુદ્ધ સૂત્રો લખવાની ઘટના સામે આવી છે, મોદી 23 મેના રોજ ઓસ્ટ્રેલિયા જઈ રહ્યા છે. ઓસ્ટ્રેલિયા ટુડેએ અહેવાલ આપ્યો છે કે પશ્ચિમ સિડનીના રોઝહિલ ઉપનગરમાં BAPS સ્વામિનારાયણ મંદિરની આગળની દિવાલ પર પીએમ મોદી વિશે વિવાદાસ્પદ શબ્દો લખવામાં આવ્યા છે.
મંદિરના અધિકારીઓને ગેટ પર એક ખાલિસ્તાની ધ્વજ લટકતો જોવા મળ્યો અને તેણે ન્યૂ સાઉથ વેલ્સ પોલીસને આ બાબતની જાણ કરી. અહેવાલો અનુસાર, મંદિરની મુલાકાત લેનારા પોલીસ અધિકારીઓને હુમલાના સીસીટીવી ફૂટેજ આપવામાં આવ્યા છે. અગાઉ માર્ચ મહિનામાં બ્રિસ્બેનમાં શ્રી લક્ષ્મી નારાયણ મંદિરની બાઉન્ડ્રી વોલ તૂટી ગઈ હતી.
મંદિરમાં નુકસાન પહોંચાડ્યું
ઓસ્ટ્રેલિયન મીડિયા અહેવાલો અનુસાર, ખાલિસ્તાન સમર્થકોએ પશ્ચિમી સિડની (ઓસ્ટ્રેલિયા)ના રોઝહિલ ઉપનગરમાં BAPS સ્વામિનારાયણ મંદિરમાં આ બનાવને પગલે ઘેરા શોકની લાગણી ફેલાઇ છે. આજે સવારે મંદિર પ્રબંધનને જાણવા મળ્યું કે મંદિરની સામેની દિવાલ તૂટી ગઈ છે અને ગેટ પર ખાલિસ્તાનનો ધ્વજ લગાવી દેવામાં આવ્યો છે.
આ વર્ષે જાન્યુઆરીમાં, મેલબોર્નમાં ત્રણ હિંદુ મંદિરોને ખાલિસ્તાની સમર્થકોએ ભારત વિરોધી છબીઓ અને ભિંડરાવાલે તરફી સૂત્રોચ્ચાર સાથે બદનામ કર્યા હતા. બાદમાં મંદિરના પૂજારીઓને ખાલિસ્તાન ઝિંદાબાદના નારા લગાવવા માટે ધમકીભર્યા ફોન આવ્યા હતા.
વિદેશ મંત્રી એસ. જયશંકરની ઓસ્ટ્રેલિયાની મુલાકાતના થોડા દિવસો બાદ ફેબ્રુઆરીમાં બ્રિસ્બેનમાં ભારતીય વાણિજ્ય દૂતાવાસમાં ખાલિસ્તાની ઝંડા મળી આવ્યા હતા.
ભારતે વારંવાર ઓસ્ટ્રેલિયન સરકાર સમક્ષ સખત વિરોધ નોંધાવ્યો છે અને ગુનેગારોને ન્યાયના કઠેડામાં લાવવા માટે ઝડપી કાર્યવાહી કરવા જણાવ્યું છે.
આ વર્ષે તેમની ભારત મુલાકાત દરમિયાન, ઓસ્ટ્રેલિયાના વડા પ્રધાન એન્થોની અલ્બેનિસે મોદીને કડક પગલાં લેવાની ખાતરી આપતાં કહ્યું હતું કે ભારતીય સમુદાયની સુરક્ષા તેમની સરકારની પ્રાથમિકતા છે. પીએમ મોદી મે મહિનામાં જાપાન, પાપુઆ ન્યુ ગિની અને ઓસ્ટ્રેલિયાની મુલાકાતે જવાના છે, જ્યાં તેઓ સિડનીમાં 23-24 મેના રોજ ક્વાડ સમિટમાં ભાગ લેશે.
