ફિલ્મમેકર રોહિત શેટ્ટી હવે OTT પર ડેબ્યૂ કરવા જઈ રહ્યા છે.
તેમની અપકમિંગ વેબ સિરીઝ ‘ઇન્ડિયન પોલીસ ફોર્સ’નું ટીઝર રિલીઝ કરવામાં આવ્યું છે.
ટીઝરમાં સિદ્ધાર્થ મલ્હોત્રા, વિવેક ઓબેરોય અને શિલ્પા શેટ્ટી ઇન્ટિન્સ લુકમાં જોવા મળી રહ્યા છે. 1 મિનિટના આ ટીઝરમાં રોહિતની સિગ્નેચર સ્ટાઈલ એક્શનની ઝલક જોવા મળી રહી છે.
આ સીરીઝ એમેઝોન પ્રાઇમ પર તા. 19 જાન્યુઆરી 2024થી સ્ટ્રીમ થશે. આ પહેલીવાર છે જ્યારે સિદ્ધાર્થ, વિવેક અને શિલ્પા એક પ્રોજેક્ટ પર સાથે કામ કરતા જોવા મળશે.
આ ટીઝરને જોઈને અનુમાન લગાવી શકાય છે કે તેની સ્ટોરી બેક ટુ બેક આતંકી હુમલાઓ સાથે જોડાયેલી છે. જ્યાં એક સીનમાં વિવેક હાથમાં ટાઈમ બોમ્બ લઈને વિચારતો જોવા મળે છે. ટીઝરના છેલ્લા સીનમાં સિદ્ધાર્થની સામે એક બાળક ઉભો છે જે આત્મઘાતી બોમ્બર હોઈ શકે છે.
આ ટીઝરને સોશિયલ મીડિયા પર શેર કરતા રોહિતે લખ્યું, ‘આ મારા માટે ઘર વાપસી જેવું છે. કાર, કોપ, એક્શન, હાઇ વોલ્ટેજ ડ્રામા અને ડાયલોગ્સ. મૂળભૂત બાબતો પર પાછા… ભારતીય પોલીસ દળ 19મી જાન્યુઆરીથી પ્રાઇમ વીડિયો પર.. ટ્રેલર ટૂંક સમયમાં આવી રહ્યું છે..’
આ જાહેરાત એપ્રિલ 2022માં કરવામાં આવી હતી
આ ત્રણેય સિવાય ઈશા તલવાર, નિકિતન ધીર, શ્વેતા તિવારી અને શરદ કેલકર જેવા કલાકારો પણ આ શ્રેણીમાં જોવા મળશે. રોહિતે એપ્રિલ 2022માં તેની જાહેરાત કરી હતી. તેનું શૂટિંગ મુંબઈ, ગોવા અને ગ્રેટર નોઈડામાં થયું છે.
